ભારતીય રેલ્વે નવું ટાઈમ ટેબલ તૈયાર કરી રહી છે. જેમાં 500 ટ્રેનો બંધ થવાની સંભાવના રાખવામાં આવી રહી છે. જ્યારે 10 હજારથી વધારે સ્ટોપેજ પણ બંધ કરવાની રેલ્વેની તૈયારી છે. તેનાથી રેલ્વેની કમાણી 1500 કરોડ રૂપિયા સુધી વધી શકે છે.
ભારતીય રેલ્વે બદલી રહ્યું છે ટાઈમ ટેબલ
500 ટ્રેન કરાશે બંધ, 10000થી વધુ સ્ટોપ કરાશે કેન્સલ
કોરોના ખતમ થયા બાદ લાગૂ થશે નવું ટાઈમ ટેબલ
ભારતીય રેલ્વે હવે ટ્રેનના ટાઈમટેબલને સંપૂર્ણ રીતે બદલવાની તૈયારીમાં છે. નવા ટાઈમ ટેબલને માટે રેલ્વે લગભગ 500 ટ્રેનને બંધ કરવાની અને 10 હજાર સ્ટોપને બંધ કરવાની તૈયારી કરી રહ્યું છે. આ ટાઈમ ટેબલને કોરોના વાયરસ ખતમ થયા બાદ લાગૂ કરાશે. કોરોનામાં પહેલાંની જેમ જ ટ્રેનો ચાલુ રાખવામાં આવશે. મીડિયા રિપોર્ટમાં કહેવાયું છે કે ટાઈમ ટેબલમાં આવેલા ફેરફાર બાદ રેલ્વેની કમાણીમાં વાર્ષિક 1500 કરોડ રૂપિયાનો વધારો થશે. રેલ મંત્રાલયના નિષ્કર્ષ અનુસાર 1500 કરોડની અનુમાનિત કમાણી વિના ભાડા અને અન્ય ચાર્જમાં વધારો કરાશે. આ ટાઈમ ટેબલ સહિત અન્ય ઓપરેશનલ પોલિસીમાં પણ ફેરફાર કરાશે.
ઈન્ડિયન એક્સપ્રેસે એક રિપોર્ટમાં કહ્યું છે કે 15 ટકા વધારે માલ ભાડા ટ્રેનોના એક્સક્લુઝિવ કોરિડોરમાં વધારે સ્પીડનો પ્રયોગ કરાશે. રેલ્વેનુ અનુમાન છે કે આખા નેટવર્કમાં પેસેન્જર ટ્રેન સર્વિસની લગભગ સ્પીડમાં 10 ટકાનો વધારો થશે. ભારતીય રેલ્વેએ આઈઆઈટી બોમ્બેના વિશેષજ્ઞોની સાથે મળીને બેસ્ટ ટાઈમ ટેબલ તૈયૈાર કર્યું છે.
શું હશે નવા ટાઈમ ટેબલની ખાસ વાતો
વાર્ષિક લગભગ 50 ટકાછી ઓછી ઓક્યુપેંસની ટ્રેનના નેટવર્કને સ્થાન મળશે નહીં. જરૂર પડશે તો આ ટ્રેનને અન્ય ટ્રેન સાથે મર્જ કરાશે. આ માટે જાણીતી ટ્રેનને પસંદ કરાશે.
લાંબા અંતરની ટ્રેનને 200 કિલોમીટરથી પહેલાં કોઈ સ્ટોપ અપાશે નહીં. આ સમયે કોઈ મુખ્ય શહેર આવે છે તો ત્યાં સ્ટોપેજ હોઈ શકે છે. રેલ્વે કુલ 10000 સ્ટોપેજને બંધ કરવાની તૈયારી કરી રહી છે.
દરેક પેસેન્જર ટ્રેન હબ એન્ડ સ્પોક મોડલ પર ચાલશે. 10 લાખ કે તેનાથી વધુ આબાદી વાળા શહેરો હબ બનશે. આ શહેરોમાં લાંબા અંતરની ટ્રેનોનું સ્ટોપ હશે. નાના સ્ટેશનને હબથી અન્ય ટ્રેન સાથે કનેક્ટ કરાશે. આ ટાઈમટેબલ અનુસાર થશે.
આ સિવાય પ્રમુખ ટૂરિસ્ટ સ્થાનોને તીર્થ સ્થળોને પણ હબનો દરજ્જો મળશે.
નવા ટાઈમટેબલથી મુંબઈ લોકલ જેવા સબ અર્બન નેટવર્ક્સ પ્રભાવિત નહીં થાય.
નવા ટાઈમ ટેબલ રેલ્વેની પાસે મળતી રોલિંગ સ્ટોકના યુક્તિસંગત હશે. ટ્રેનમાં 22 એલએચબી કોચ કે 24 ઈન્ટીગ્રલ કોટ ફેક્ટ્રીના કોચ હશે.