રેલ્વેમાં 35000 નોકરીઓઃ આ પદ માટે થઈ રહી છે ભરતી, કરો અપ્લાય

રેલ્વે રિક્રૂટમેન્ટ બોર્ડની તરફથી 1.30 લાખ પદો માટે ભરતી કરવાની છે અને આ ભારતીની શરૂઆત એનટીપીસી પદથી થઇ છે. રેલ્વે 35277 પદો માટે નોટિફિકેશન જારી કરી દેવામાં આવી છે અને આ માટે અરજીની પ્રક્રિયા શરૂ થઇ ગઇ છે. જાણો આ ભરતીથી જોડાયેલી કેટલીક મહત્વની વાતો..

રેલ્વેએ 1 માર્ચ 2019થી 35277 પદ માટે અરજી પ્રક્રિયા શરૂ કરી દીધી હતી અને આ ભરતીમાં અરજી કરનાર ઇચ્છુક ઉમેદવારો 31 માર્ચ સુધી આ પદો માટે અરજી કરી શકે છે. અરજી પ્રક્રિયા શરૂ થવાની સાથે જ ઉમદેવારોની લાંબી આતુરતાનો અંત આવશે. 

આરઆરબીએ આ ભરતી માટે પોતાના ઝોનની વેબસાઇટ પર લિંક એક્ટિવ કરી દીધી છે, જ્યાં અરજી કરનારા ઇચ્છુક ઉમેદવારો અપ્લાય કરી શકે છે, સાથે જ ઉમેદવારો 5 એપ્રિલ 2019 સુધી ફીની ચૂકવણી કરી શકે છે. તો બીજી તરફ ઉમદેવારોની પસંદગી માટે જૂન-સપ્ટેમ્બરમાં પરીક્ષાનું આયોજન કરવામાં આવશે. 

આ 35277 પદોમાંથી તમામ પદ નૉન ટેક્નિકલ પૉપ્યુલર કેટેગરીના છે, જેમાં અંડરગ્રેજ્યુએટ્સ માટે 10628 પદ જ્યારે ગ્રેજ્યુએટ્સ માટે 24649 પદ આરક્ષિત છે. 

આ છે પદ:

જૂનિયર ક્લર્ક કમ ટાઇપિસ્ટ- 4319
એકાઉન્ટ્સ ક્લર્ક- 760
જૂનિયર ટાઇમ કિપર- 17
ટ્રેન ક્લર્ક- 592
કમર્શિયલ કમ ટિકિટ ક્લર્ક- 4940
ટ્રાફિક આસિસ્ટન્ટ- 88
ગુડ્સ ગાર્ડ- 5748
સીનિયર કમર્શિયલ કમ ટિકિટ ક્લર્ક- 5638
જૂનિયર એકાઉન્ટ આસિસ્ટન્ટ કમ ટાઇપિસ્ટ- 3164
સીનિયર ટાઇમ કિપર- 14
કમર્શિયલ અપ્રેન્ટિસ- 259
સ્ટેશન માસ્ટર- 6865

યોગ્યતા:

ઉમેદવારોની યોગ્યતા તેમના પદ પર આધાર છે, પરંતુ ઉમેદવારો 12 ધોરણ પાસ હોવા જરૂરી છે અને ઘણા પદ માટે ગ્રેજ્યુએટ હોવા જરૂરી છે. 

વય સીમા:

આ પદો માટે 18-30 વર્ષ સુધી ઉમેદવારો અપ્લાય કરી શકે છે. તેમની ઉંમર 1 જૂલાઇ 2019ના આધાર પર નક્કી કરવામાં  આવેલી છે. જોકે આ અંગેની વિસ્તૃત જાણકારી તમે સત્તાવાર નોટિફિકેશનમાં મેળવી શકો છો. 

પસંદગી પ્રક્રિયા:

ઉમેદવારોની પસંદગી કમ્પ્યૂટર બેસ્ડ ટેસ્ટ અને પીઇટીના આધારે કરવામાં આવશે. 

આ રીતે કરો અરજી:

અરજી કરવા માટે ઉમેદવારોને સત્તાવાર વેબસાઇટ પર જવાનું રહેશે, આ માટે ઝોનલ વેબસાઇટ પર અરજી કરવાની લિંક પર ક્લિક કરો, ત્યાર પછી માંગેલી જાણકારી ભરતા અરજી કરો.