કેન્દ્રીય નાણાપ્રધાન સીતારમને પોતાના બજેટ ભાષણમાં પ્રવાસન સ્થળોને જોડવા માટે પ્રાઇવેટ ટ્રેનની એક સર્કિટ ચલાવવાની જાહેરાત કરી છે. આ જાહેરાત હેઠળ આ સર્કિટ પર પ્રાઇવેટ ટ્રેન તેજસ એક્સપ્રેસ ચલાવાશે. આ માટે રેલવેએ દેશભરના ૧૦૦ રૂટ પસંદ કર્યા છે.
હવે ટાટા-અદાણી અને હ્યુન્ડાઈ પ્રાઈવેટ ટ્રેન ચલાવશે
રેલવે દ્વારા ૧૦૦ રૂટ પર ૧૫૦ પ્રાઈવેટ ટ્રેન ચલાવવાનો પ્લાન તૈયાર કરાયો
ભારતીય રેલવેએ સ્થાનિક અને વૈશ્વિક સ્તરની પ્રાઇવેટ કંપનીનું ટ્રેન ચલાવવા માટે સ્વાગત કર્યું છે. પ્રાઇવેટ ટ્રેન ચલાવવામાં ઘરેલુ કંપની ટાટા રિયલ્ટી એન્ડ ઇન્ફ્રાસ્ટ્રક્ચર, હિટાચી ઇન્ડિયા અને સાઉથ એશિયા, એસ્સેલ ગ્રૂપ, અદાણી પોર્ટ એન્ડ એસઇઝેડ દ્વારા રસ દાખવવામાં આવ્યો છે, જ્યારે ગ્લોબલ પ્લેયર અલસ્ટોમ ટ્રાન્સપોર્ટ, બોમ્બાર્ડિયર, સીમેન્સ એજી, હ્યુન્ડાઇ, માર્ક્યુયર જેવી કંપનીઓએ પણ ભારતમાં પ્રાઇવેટ ચલાવવા રસ દાખવ્યો છે.
પ્રત્યેક ટ્રેનમાં લઘુતમ ૧૫ કોચ
ભારતીય રેલવેએ ખાસ કરીને મુંબઇ-દિલ્હી, ચેન્નઇ-દિલ્હી, નવી દિલ્હી-હાવરા, શાલીમાર-પુણે, નવી દિલ્હી-પટણા જેવા રૂટને સામેલ કર્યા છે. પ્રત્યેક ટ્રેનમાં લઘુતમ ૧૫ કોચ હશે અને ટ્રેનની મહત્તમ સ્પીડ કલાકના ૧૬૦ કિલોમીટર હશે.