IPL 2023 / ઈન્ડિયન પ્રીમિયર લીગનું કાઉન્ટડાઉન શરૂ, આ ટીમોએ IPLના ઈતિહાસમાં જીતી છે સૌથી વધુ મેચ, જુઓ યાદી

• ઈન્ડિયન પ્રીમિયર લીગનું કાઉન્ટડાઉન શરૂ થઈ ગયું છે
• આઈપીએલની દરેક મેચમાં કઈ ટીમ સૌથી વધુ મેચ જીતી છે

ઈન્ડિયન પ્રીમિયર લીગનું કાઉન્ટડાઉન શરૂ થઈ ગયું છે. 31 માર્ચથી ડિફેન્ડિંગ ચેમ્પિયન ગુજરાત ટાઇટન્સ અને ચેન્નાઈ સુપર કિંગ્સ વચ્ચે ઓપનિંગ મેચ રમાશે. અત્યાર સુધી આઈપીએલની કુલ 15 સિઝન રમાઈ છે અને 16મી સિઝન હવે શરૂ થશે. તે પહેલા અનેક આંકડાઓની ચર્ચા થઈ રહી છે એવામાં ચાલો જાણીએ કે આઈપીએલની દરેક મેચમાં કઈ ટીમ સૌથી વધુ મેચ જીતી છે. 

5- દિલ્હી કેપિટલ્સ: 
આઈપીએલની શરૂઆતની સીઝનમાં દિલ્હી ડેરડેવિલ્સ તરીકે જાણીતી દિલ્હીની ટીમ હવે દિલ્હી કેપિટલ્સ બની ગઈ છે. આ ટીમે અત્યાર સુધીમાં કુલ 224 મેચ રમી છે, જેમાંથી તેણે 100 જીતી છે અને 118માં હારનો સામનો કરવો પડ્યો છે. લીગના ઈતિહાસમાં સૌથી વધુ મેચ હારનારી ટીમ પણ છે અને જીતની યાદીમાં પાંચમા નંબરે છે.

4- રોયલ ચેલેન્જર્સ બેંગ્લોર:
 RCBની ટીમ IPL ઈતિહાસમાં ચોથી સૌથી વધુ મેચ જીતનારી ટીમ છે. આ ટીમે 227 મેચ રમી છે જેમાંથી તેણે 107માં જીત અને 113માં હારનો સામનો કરવો પડ્યો છે. જો હારની લિસ્ટમાં જોઈએ તો આ ટીમ દિલ્હી (118) અને પંજાબ (116) પછી ત્રીજી સૌથી વધુ મેચ હારનાર ટીમ છે.

3- કોલકાતા નાઈટ રાઈડર્સઃ 
બે વખત આઈપીએલનો ખિતાબ જીતનારી KKRની ટીમ ત્રીજી સૌથી વધુ મેચ જીતનાર છે. આ ટીમે કુલ 223 મેચ રમી છે, જેમાંથી તેણે 113માં જીત અને 106માં હારનો સામનો કરવો પડ્યો છે.

2- ચેન્નાઈ સુપર કિંગ્સ: 
ચાર વખત IPL ટ્રોફી જીતનાર CSKએ કુલ 209 મેચ રમી છે, જેમાંથી તેણે 121માં જીત મેળવી છે અને 86માં હારનો સામનો કરવો પડ્યો છે. નોંધનીય છે કે આ ટીમે 2016 અને 2017ની બે સિઝન રમી નથી. 

1- મુંબઈ ઈન્ડિયન્સઃ 
પાંચ વખતની ચેમ્પિયન મુંબઈ ઈન્ડિયન્સ IPLમાં સૌથી વધુ મેચ જીતવાના મામલે ટોપ પર છે. આ ટીમે કુલ 231 મેચ રમી છે, જેમાંથી તેણે 129માં જીત મેળવી છે અને 98માં હારનો સામનો કરવો પડ્યો છે.