નિમણુક / IPLમાં મલિંગાએ કર્યું કમબેક! હવે આ ટીમની બોલિંગ માટે કરશે કામ

• રાજસ્થાન રોયલ્સે લસિથ મલિંગાની ટીમના બોલિંગ કોચ તરીકે નિમણુક કરી
• મલિંગા પહેલી વખત આ લીગમાં કોચ તરીકે જોવા મળશે
• લસિથ મલિંગા આની પહેલા મુંબઈ ઈન્ડિયન્સ સાથે ખિતાબ જીતી ચૂક્યા

મલિંગાએ શ્રીલંકાના બોલિંગ કોચ તરીકે પદભાર સંભાળ્યો હતો

38 વર્ષના મલિંગાએ હાલમાં શ્રીલંકાના ઓસ્ટ્રેલિયા પ્રવાસ પર શ્રીલંકા ટીમના બોલિંગ કોચ તરીકે પદભાર સંભાળ્યો હતો. રાજસ્થાન રોયલ્સે તેના ટ્વિટર એકાઉન્ટ પર આ માહિતી શેર કરી. 2008ની સિઝનની વિજેતા ટીમે રાજસ્થાન રૉયલ્સ પહેલી સિઝન બાદ  સતત ફાઈનલમાં સ્થાન બનાવવામાં નિષ્ફળ રહી છે. પ્લેઑફ મુકાબલા સુધી ટીમને સંતુષ્ટ રહેવુ પડ્યુ છે. તો અમુક સીઝન રાજસ્થાને અંતિમ તબક્કા અને 7મા નંબર પર પણ ફિનિશ કર્યા છે. રાજસ્થાને વર્ષ 2021માં સિઝનમાં 5 જીત અને 9 હારની સાથે સાતમા નંબર પર ફિનિશ કર્યા હતા. રાજસ્થાને તેના ટ્વિટર એકાઉન્ટ પર મલિંગાનુ તેના અંદાજમાં સ્વાગત કર્યુ. 

*𝐤𝐢𝐬𝐬𝐞𝐬 𝐭𝐡𝐞 𝐛𝐚𝐥𝐥*

Lasith Malinga. IPL. Pink. 💗#RoyalsFamily | #TATAIPL2022 | @ninety9sl pic.twitter.com/p6lS3PtlI3

— Rajasthan Royals (@rajasthanroyals) March 11, 2022

લસિથ મલિંગા પહેલી સિઝનથી મુંબઈ ઈન્ડિયન્સ સાથે હતા 

ફાસ્ટ બોલર લસિથ મલિંગા પહેલી સિઝનથી મુંબઈ ઈન્ડિયન્સ સાથે હતા. તેમણે તેમની અંતિમ લીગ મુકાબલો વર્ષ 2019માં ચેન્નઈની સામે રમ્યો હતો. આ મેચમાં પણ તેમણે તેની બોલિંગથી ચોથી વખત મુંબઈ ઈન્ડિયન્સનો ખિતાબ જીત્યો હતો. પહેલી વખત મલિંગા મુંબઈ ઈન્ડિયન્સથી અલગ ડ્રેસિંગ રૂમમાં દેખાશે. રાજસ્થાનની સાથે અત્યારે શ્રીલંકાના મહાન ખેલાડીઓમાં ગણાતા કુમાર સંગાકારા પણ ડાયરેક્ટર ઓફ ક્રિકેટ તરીકે હાજર છે.