યાદી જાહેર / પાકિસ્તાન કરતાં ભારતનો પાસપોર્ટ બન્યો પાવરફૂલ, જાણો કયા દેશનો છે નંબર વન

• આર્ટેન કેપિટલે પાસપોર્ટ ઈન્ડેક્સ 2022 બહાર પાડ્યો
• આ ઈન્ડેક્ષમાં UAE નાં પાસપોર્ટને સૌથી શક્તિશાળી
• અફઘાનિસ્તાનના પાસપોર્ટને સૌથી નબળો ગણાવ્યો

 આર્ટને કેપિટલે 2022 માં વિશ્વના સૌથી શક્તિશાળી અને નબળા પાસપોર્ટ ધરાવતા દેશોની યાદી જાહેર કરી છે. આ યાદીમાં UAE  ના પાસપોર્ટને સૌથી મજબૂત ગણાવવામાં આવ્યો છે. આ યાદીમાં ભારતના પાસપોર્ટને 69 મું સ્થાન મળ્યું છે. જ્યારે પાકિસ્તાન 94 માં અને બાંગ્લાદેશ 92 માં ક્રમે છે. આ યાદી પરથી જાણી શકાયે છે કે કેટલા દેશોમાં ક્યા દેશના નાગરિકોને વિઝા ફ્રી એન્ટ્રી મળી શકે છે અને કેટલા દેશોમાં વિઝા ઓન અરાઈવલ એન્ટ્રી આપી શકાય છે. 

ભારત અને પાકિસ્તાનની સ્થિતિ શું છે.
આર્ટન કેપિટલ દ્વારા જાહેર કરાયેલ વર્ષ 2022 ના સૌથી શક્તિશાળી પાસપોર્ટની યાદીમાં ભારતને 69 મું સ્થાન આપવામાં આવ્યું છે. ભારતીય નાગરિકો 24 દેશોમાં વિઝા વિના પ્રવેશ કરી શકે છે. જ્યારે 48 દેશોમાં ભારતીય નાગરિકોને વિઝા ઓન અરાઈવલની સુવિધા મળશે. ભારતના નાગરિકોને 126 દેશોની મુલાકાત લેવા માટે વિઝાની જરૂર પડશે.
આ યાદીમાં પાકિસ્તાનને 94 મું સ્થાન મળ્યું છે. અહીંના નાગરિકો માત્ર 10 દેશોમાં જ વિઝા ફ્રી એન્ટ્રી મેળવી શકે છે. જ્યારે 154 દેશોમાં પ્રવેશ માટે વિઝાની જરૂર પડશે.