દિલ્હી / સંસદમાં બેઠા હતા વિદેશના ખાસ મહેમાનો, 'માનનીય' નેતાઓ તેમની સામે જ કરતાં રહ્યા હોબાળો 

• વિપક્ષના સાંસદોએ ભારતીય સંસદને શરમમાં મુકી દીધી! 
• મોંગોલિયન સંસદના સ્પીકર અને સાંસદો સામે હંગામો
• સ્પીકરે જાણકારી આપી છતાં વિપક્ષના સાંસદોએ હોબાળો યથાવત રાખ્યો 

Welcomed Parliamentary Delegation from Mongolia led by H.E. Mr. @Zandanshatar, Hon. Chairman of the State Great Hural of Mongolia in the House today. Conveyed my wishes to the Government & people of Mongolia & wished the Delegates a pleasant & fruitful stay in India. pic.twitter.com/TioXjsYgs3

— Om Birla (@ombirlakota) December 1, 2021

લોકસભામાં આજે પણ વિરોધ પક્ષોનો હોબાળો થયો હતો.

લોકસભામાં આજે પણ વિરોધ પક્ષોનો હોબાળો થયો હતો. હોબાળાને કારણે લોકસભા સ્થગિત કરવી પડી હતી. સંસદમાં હંગામો કરવાની વિપક્ષની આદત નવી નથી, પરંતુ આજે વિદેશી પ્રતિનિધિમંડળની સામે સંસદમાં હંગામો થયો હતો, જે ક્યાંકને ક્યાંક ખૂબ જ શરમજનક હતો. હંગામા દરમિયાન લોકસભાના સ્પીકરે સંસદમાં મંગોલિયાના પ્રતિનિધિમંડળની હાજરી વિશે પણ માહિતી આપી, પરંતુ વિપક્ષના સાંસદો સહમત ન થયા અને હંગામો મચાવતા રહ્યા.

લોકસભાના સ્પીકરે જાણકારી આપી છતાં વિપક્ષના સાંસદોએ હોબાળો યથાવત રાખ્યો 

લોકોસભાના અધ્યક્ષે સાંસદોની જાણકારી આપતાં કહ્યું કે, સદનની વિશિષ્ટ ગેલેરીમાં મંગોલિયાના સંસદીય પ્રતિનિધિમંડળના સભ્યો બેઠા છે.હું મારા તરફથી અને સદનના તમામ સદસ્યોની તરફથી પણ ભારતીય યાત્રા પર આવેલા મંગોલિયાના સંસદના અધ્યક્ષ અને પ્રતિનિધિમંડળનું સ્વગાત કરું છું. તેમનું મંગળવારે ભારતમાં આગમન થયું છે." ઓમ બિરલા જ્યારે આ માહિતી આપી રહ્યાં હતાં ત્યારે વિપક્ષના સાંસદોએ ત્યારે પણ ભારતની છબી ખરડાઈ રહી છે તેની પરવા કરી ન હતી અને તેઓ હંગામો મચાવતા રહ્યા. થોડા સમય બાદ લોકસભાના સ્પીકર ઓમ બિરલાએ હંગામો વધતો જોઈને ગૃહની કાર્યવાહી થોડીવાર માટે સ્થગિત કરી દીધી હતી.

મંગોલિયાના સંસદીય પ્રતિનિધિમંડળ  6 ડિસેમ્બરે પરત ફરશે 

દિલ્હી સિવાય પ્રતિનિધિમંડળના સભ્યો પહેલા બોધગયા અને પછી આગરા જશે, સોમવારે 6 ડિસેમ્બરે ભારત છોડશે.