મુનાફ બાળપણમાં માર્બલની ફેક્ટરીમાં કામ કરતો હતો. અહીં એક દિવસ 8 કલાક કામ કરવા માટે તેમને 35 રૂપિયા મળતા હતા.
ગુજરાતના એક નાના ગામ ઇખરથી નીકળીને મુનાફ પટેલે ક્રિકેટ જગતમાં બહુ નામ કમાયું છે. ક્યારેક ટીમ ઇન્ડિયા માટે રમતા મુનાફ આજે ૩૪મો જન્મદિવસ ઉજવી રહ્યા છે. શાળામાં ભણતા વખતે તે ક્રિકેટ રમતા હતા પરંતુ તેમના મનમાં ક્યારેય ક્રિકેટર બનવાનો ખ્યાલ આયો ન હતો. ગરીબીના કારણે તેના પરિવારને મદદ કરવા બાળપણથી જ મુનાફ એક માર્બલ ફેક્ટરીમાં મજુરી કરતા હતા. ત્યાં તેમને 8 કલાક કામ કરવાના રોજના 35 રૂપીયા મળતા હતા. એટલે જ તે ક્રિકેટર બનવા નતા માંગતા....
-ગુજરાતના ઇખર ગામમાં મુનાફ સૌથી ઝડપી બોલિંગ કરતા હતા આ છતાં તેમને ક્યારેય ક્રિકેટર બનવાનું વિચાર્યું ન હતું. તેનું કારણ તેની ગરીબી હતી. ક્રિકેટની ટ્રેનીંગ લેવા માટે તેમની પાસે પૈસા ન હતા.
-મુનાફના પિતા લોકોના ખેતરોમાં કામ કરી ગુજરાન ચલાવતા હતા. ઘણી વખત તો દિવસના ફક્ત 7 રૂપીયા મળતા હતા. મુનાફ તેના પરિવારની ગરીબી જોઈ નતો શકતો તેથી તેને બાળપણમાં જ કામ કરવાનું શરુ કરી દીધું હતું.
કઈ રીતે પહોંચ્યા ક્રિકેટમાં?
-શાળામાં મુનાફ ક્રિકેટ રમતા હતા અને સાથે-સાથે મજુરી પણ કરતા હતા. તેની મજુરી કરવાની વાત તેના એક મિત્રએ શિક્ષકને કઈ દીધી હતી.
-ત્યારે શિક્ષકે મુનાફને કીધું કે જયારે કમાવાની ઉમર થાય ત્યારે મજુરી કરજે અત્યાર હાલ ખેલ પર ધ્યાન આપવાનો આગ્રહ રાખ.
- થોડાક સમય પછી તેમની મુલાકાત એક જુના મિત્ર યુસુફ સાથે થઇ હતી. યુસુફ જ તેને ક્રિકેટ રમવા વડોદરા લઇ ગયો હતો. ચંપલમાં ક્રિકેટ રમનાર મુનાફને જુત્તા પણ યુસુફે લઇ દીધેલા અને ક્રિકેટ ક્લબમાં દાખલો કરી આપ્યો હતો.
આખા ગામની તે કરે છે મદદ
-૨૦૧૧ વર્લ્ડ કપમાં સચિન તેંદુલકર અને એમએસ ધોની જેવા દિગ્ગજો સાથે રમી ચુક્યા મુનાફ પટેલ આજે પણ પોતાના ગામમાં જ રહે છે. તે ગ્રામીણોની મદદ કરવામાં ક્યારેય પાછા પડતા નથી.
-ગામમાં દરેક વ્યક્તિ આર્થીક મદદ મેળવવા મુનાફ પટેલ પાસે જાય છે અને મુનાફ કોઈ પણ સવાલ કાર્ય વગર તેમની આર્થીક મદદ કરી દે છે.
-મુનાફના અનુસંધાને જો કોઈ માનસ તેની પાસે મદદ માંગવા આવે અને તે તેને સવાલ પૂછે તો તેના પિતા કહે છે કે આ સવાલો તેનું પેટ નહિ ભરશે.
મુનાફના ક્રિકેટ રમવાથી પિતા હતા નારાજ
-મુનાફ જયારે મજુરી છોડી ક્રિકેટ રમવા મંડ્યો ત્યારે તેના પિતા ખુશ ન હતા. તેમના પિતાનું માનવું હતું કે મુનાફ તેમની સાથે કામ કરે અને થોડા સમય બાદ આફ્રીકા જઈ પૈસા કમાવે.
-તેમના ગામ ઇખારથી દર વર્ષે ઘણા લોકો પૈસા કમાવા આફ્રીકા જાય છે. મુનાફના ઘણા સંભંધી પણ આફ્રિકામાં રહે છે એટલે જ તેમના પિતા તેમને આફ્રિકા મોકલવા માંગતા હતા.
-એક ઈન્ટરવ્યુંમાં મુનાફે કીધું હતું કે આમાં તેમના પિતાનો કોઈ વાંક નથી. ગામમાં ભાગ્યે જ કોઈને ખબર હતી કે ક્રિકેટ રમી પૈસા કમાવી શકાય.