ગજબ / વિશ્વ ફલક પર આપણો દબદબો યથાવત! હવે આ ભારતીયને મળી દિગ્ગજ કંપનીમાં મોટી જવાબદારી

• Tesla Autopilot AI ટીમ ખૂબ જ પ્રતિભાશાળી 
• દૂનિયાના સૌથી સ્માર્ટ લોકોની ટીમ 
• અશોક, ટેસ્લા સાથે પાછલા 8 વર્ષ 1 મહિનાથી જોડાયેલા છે 

ટેસ્લાના ફાઉન્ડર અને સીઈઓ એલન મસ્કે ખુલાસો કર્યો છે કે તેમની ઈલેક્ટ્રિક વ્હીકલ કંપનીની ઓટોપાયલટ ટીમ માટે નિયુક્ત કરવામાં આવેલા પહેલા કર્મચારી, ભારતીય મુળના અશોક એલ્લૂસ્વામી હતા. તેમણે ટ્વિટર પર પોતાના એક ઈન્ટરવ્યૂના એક વીડિયો પર રિપ્લાય કર્યો, "અશોક મારા ટ્વીટથી ભરતી થનાર પહેલા વ્યક્તિ હતા. આ ટ્વીટમાં કહેવામાં આવ્યું હતું કે ટેસ્લા એક ઓટોપાયલટ ટીમ શરૂ કરી રહ્યું છે."

ઈન્ટરવ્યૂમાં મસ્કે કહ્યું છે કે અશોક ઓટોપાયલટ એન્જિનિયરિંગના હેડ છે. મસ્કે કહ્યું, 'Andrej AIના નિર્દેશક છે. લોકો મોટાભાગે મને વધુ શ્રેય આપે છે. અને Andrejને વધારે શ્રેય આપે છે. Tesla Autopilot AI ટીમ ખૂબ જ પ્રતિભાશાળી છે. દુનિયાના સૌથી સ્માર્ટ લોકોમાંથી અમુક તેમનો ભાગ છે.'

કોણ છે અશોક અલ્લુસ્વામી 
ટેસ્લા જોઈન કર્યા પહેલા અશોક અલ્લુસ્વામી ફોક્સવેગન ઈલેક્ટ્રોનિક રિસર્ચ લેબ અને વેબકો વ્હીકલ કંટ્રોલ સિસ્ટમ સાથે જોડાયેલા છે. તેમણે ચેન્નાઈના College of Engineering Guindyથી ઈલેક્ટ્રોનિક્સ એન્ડ કોમ્યુનિકેશન એન્જિનિયરિંગમાં માસ્ટર્સ ડિગ્રી અને કોર્નેગી મેલોન વિશ્વવિદ્યાલયથી રોબોટિક્સ સિસ્ટમ ડેવલોપમેન્ટમાંથી માસ્ટર ડિગ્રી મેળવી છે. અશોકે સોફ્ટવેર એન્જિનિયર માટે ટેસ્લાની ઓટોપાયલટ ટીમ જાન્યુઆરી 2014માં જોઈન કરી હતી. 

જુન 2016માં તે સીનિયર સોફ્ટવેર એન્જિનિયર બન્યા. ત્યાર બાદ સપ્ટેમ્બર 2017માં તે સીનિયર સ્ટાફ સોફ્ટવેર એન્જિનિયર અને મે 2019માં ઓટોપાયલટ સોફ્ટવેરના ડાયરેક્ટર બન્યા. આ રીતે અશોક ટેસ્લા સાથે છેલ્લા 8 વર્ષ 1 મહિનાથી જોડાયેલા છે. 

હાલમાં જ કરેલા રિક્રૂટમેન્ટને લઈને કરી ટ્વીટ 
મસ્કે હાલમાં જ ટ્વીટ કર્યુ હતું કે ટેસ્લા હાર્ડકોર ઓર્ટિફિશિયલ ઈન્ટેલિજન્સ એન્જિનિયરની શોધમાં છે. નોકરી માટે અરજી કરવી સરળ હતી. અમુક ઉમેદવારોના નામ, ઈમેલ, સોફ્ટવેર, હાર્ડવેર અથવા એઆઈમાં કરવામાં આવેલા અસાધારણ કામ જેવા કે ફીલ્ડ્સને ભરવા અને પીડીએફ પ્રારૂપમાં પોતાના બાયોડેટા અપલોડ કરવા કહવામાં આવ્યું હતું.