ભારતીય મૂળના અધિકારી 34 વર્ષીય આકાંક્ષા અરોરાએ સંયુક્ત રાષ્ટ્રસંઘના આગામી જનરલ સેક્રેટરીના હોદ્દા માટે ઉમેદવારી નોંધાવી છે.
આકાંક્ષા અરોરા UN જનરલ સેક્રેટરી એન્ટોનિયો ગુતારેસને ટક્કર આપશે
એન્ટોનિયો ગુતારેસનો પહેલો કાર્યકાળ 31 ડિસેમ્બરે પૂરો થઈ રહ્યો છે
સંયુક્ત રાષ્ટ્ર પ્રમુખનો કાર્યકાળ પાંચ વર્ષનો હોય છે.
સંયુક્ત રાષ્ટ્રસંઘ વિકાસ કાર્યક્રમ(યુએનડીપી)માં લેખા પરીક્ષા સમન્વયક તરીકે કાર્યરત 34 વર્ષીય આકાંક્ષા અરોરા હાલના મહાસચિવ એન્ટોનિયો ગુતારેસની સામે ઉમેદવારી નોંધાવનાર પહેલા ભારતવંશી મહિલા છે.
એન્ટોનિયો ગુતારેસ બીજા કાર્યકાળ માટે ઉમેદવારી નોંધાવી
એન્ટોનિયો ગુતારેસે સંયુક્ત રાષ્ટ્રસંઘના મહાસચિવ તરીકેના બીજા કાર્યકાળ માટે ઉમેદવારી નોંધાવી છે. સંયુક્ત રાષ્ટ્ર પ્રમુખનો કાર્યકાળ પાંચ વર્ષનો હોય છે. એન્ટોનિયો ગુતારેસનો પહેલો કાર્યકાળ 31 ડિસેમ્બરે પૂરો થઈ રહ્યો છે.
આકાંક્ષાએ એક અઢી મિનિટનો વીડિયો પણ જારી કર્યો હતો.
વીડિયોમાં આકાંક્ષાએ કહ્યું કે મારા હોદ્દાના લોકો પાસેથી હોદ્દો સંભાળી રહેલા લોકોની સામે ઊભા રહેવાની કોઈ અપેક્ષા હોતી નથી. અમારી પાસેથી અપેક્ષા રાખી શકાય છે કે અમે અમારા વારાની પ્રતિક્ષા કરીએ, જુની પ્રક્રિયા અનુસાર કામ કરતા રહીએ, કામ પર જઈએ, માથુ નમાવી રાખીએ અને દુનિયા જેવી પણ છે તેવી સ્વીકારી લઈએ.
યુએનમાં આજ સુધી કોઈ મહિલા મહાસચિવ બની નથી
આકાંક્ષાએ કહ્યું કે મારી પહેલા આવેલા લોકો યુએનને જવાબદાર બનાવવામાં નિષ્ફળ રહ્યા છે અને તેને માટે યુએન મહાસચિવના હોદ્દા માટે ચૂંટણી લડી રહી છું. સંયુક્ત રાષ્ટ્રસંઘના 75 વર્ષના ઈતિહાસમાં આજદિન સુધી એક પણ મહિલા મહાસચિવ બની નથી. શું આકાંક્ષા અરોરા ઈતિહાસ ઉલટાવી શકશે તે આવનાર સમય જણાવશે.