ક્રિકેટ રસિયાઓ પર વર્લ્ડ કપનુ ઝનૂન છવાયેલુ છે. આ દરમિયાન ઇન્ડિયન ઑઇલ કોર્પોરેશન લિમિટેડ ક્રિકેટના ચાહકો માટે એક ખાસ ઑફર લઇને આવ્યુ છે. જેમાં તમે કાર જીતી શકો છો.
જી હા, આ ખાસ ઑફરનું નામ ક્રિકેટ કાર-નિવાલ 2019 છે. આ ઑફર હેઠળ તમે વર્લ્ડ કપમાં તમારી ફેવરિટ ટીમને ચિયર્સ કરો, પોતાના વાહનમાં પેટ્રોલ ભરાવો અને બદલામાં શાનદાર કાર અને આ સાથે જ બીજા અન્ય ઇનામ મેળવી શકો છો.
ઈન્ડિયન ઓઈલની આ ઓફર 1 જુનથી શરુ થઈ ચૂકી છે અને તમે 14 જુલાઈ રાતે 12 વાગ્યા સુધી આ ઑફરનો લાભ ઉઠાવી શકો છો. આ ઑફર માત્ર ભારતીયો માટે જ છે. જોકે આ ઑફરમાં ઇન્ડિયન ઑઇલના કર્મચારી અથવા તો તેમના પરિવાર કોઇ સભ્ય ભાગ નહી લઇ શકે, આ સાથે જ ઇન્ડિયન ઑઇલના ડીલર્સ/ડિસ્ટ્રિબ્યૂટર્સ/અન્ય ચેનલ પાર્ટનર્સ, ઈન્ડિયન ઓઈલની એડવાઇઝિંગ એજન્સીના કર્મચારી, સર્વિસ પ્રોવાઇડર્સ/ ઇવેન્ટ મેનેજર પણ ભાગ નહી લઇ શકે.
આ ઓફરનો ફાયદો ઉઠાવવા માટે ફોર વ્હીલરના માલિકોને ઈન્ડિયન ઓઈલનો રિટેઇલ આઉટલેટથી 1000 અથવા તેનાથી વધારે અથવા 2-3 વ્હીલરના વાહનના માલિકોને 300 અથવા તેનાથી વધારેનું પેટ્રોલ/ડીઝલ/સર્વો ભરાવવાનું રહેશે. જે પછી ‘ડીલર કોડ <સ્પેસ> બિલ નંબર <સ્પેસ> બિલની રકમ’ને 7710540400 આ નંબર પર SMS કરવાનો રહેશે.
વિજેતાઓની પસંદગી આ ઓફર પૂરી થયા પછી લકી ડ્રો સાથે કરવામાં આવશે. પહેલા ઇનામાં 12 લાખ રૂપિયાની પ્રીમિયમ સેડાન કાર/ SUV હશે. બીજા ઈનામમાં ચાર લોકોને પાંચ લાખ રુપિયાની કાર મળશે. ત્રીજા ઇનામમાં 16 લોકોને બાઇક મળશે. જો તમે ચોથુ ઇનામ જીતો છો તો તમને સ્માર્ટફોન છે. આ સ્માર્ટફોન 400 લોકોને મળશે. પાંચમુ ઇનામ 100 ઓટોગ્રાફ્ડ ક્રિકેટ બેટ હશે. આ ઇનામો ઉપરાંત દર 2 અઠવાડિયામાં 500 રૂપિયાની કિંમત 200 ફ્યૂઅલ વાઉચર્સની ઘોષણા પણ કરવામાં આવશે.