LPG Cylinder / Indian Oil ગ્રાહકોને માટે લાવ્યું ખાસ સિલિન્ડર, જાણો શું છે ખાસિયત, કોને મળશે લાભ અને ક્યાંથી ખરીદી શકાશે

• Indian Oil ગ્રાહકોને માટે લાવ્યું નવો ભૂરા રંગનો સિલિન્ડર
• કંપનીએ આ સિલિન્ડરને એકસ્ટ્રા તેજ સિલિન્ડર નામ આપ્યું
• 5 ટકા સુધી કરી શકાશે ગેસની બચત, જાણો ક્યાંથી મળશે

ઈન્ડિયન ઓઈલ પોતાના ગ્રાહકોને માટે ખાસ સિલિન્ડર લઈને આવ્યું છે. કંપનીએ આ સિલિન્ડરને એકસ્ટ્રા તેજ સિલિન્ડર નામ આપ્યું છે. ઉલ્લેખનીય છે કે તેની ખાસિયત છે કે આ સિલિન્ડરના ઉપયોગથી તમે 5 ટકા સુધી ગેસની બચત કરી શકો છો. આ સિવાય તેના ઉપયોગથી ખાવાનું પણ જલ્દી બને છે. આ સિલિન્ડર ભૂરા રંગનો રહેશે. તો જાણો કયા ગ્રાહકોને આ સિલિન્ડરનો લાભ મળી શકશે. 

કોને મળશે લાભ
ઈન્ડિયન ઓઈલની તરફથી મળતી માહિતી અનુસાર આ સિલિન્ડર કોર્મશિયલ ગ્રાહકોને માટે છે એટલે કે ઘરેલૂ ગ્રાહકો આ સિલિન્ડરનો ઉપયોગ કરી શકશે નહીં. 

#IndianOil brings to you #Indane XtraTej, a highly efficient Non-Domestic #LPG that offers minimum 5% savings in consumption of LPG and savings in cooking time too. For details https://t.co/yW2AZCrFHP pic.twitter.com/l3RMXTklSk

— Indian Oil Corp Ltd (@IndianOilcl) April 21, 2021

Indian Oilએ કર્યું છે ટ્વિટ
ઈન્ડિયન ઓઈલે ટ્વિટ કરીને આ માટેની જાણકારી આપી છે. કંપનીએ ટ્વિટમાં લખ્યું છે કે  IndianOil તમારા માટે  #Indane XtraTej, એક અત્યાધિક કુશળ બિન ઘરેલૂ  LPG લાવ્યું છે જે રસોઈ ગેસના વપરાશમાં 5 ટકાની બચત અને ખાવાનું બનાવવાનો સમય પણ ઘટાડે છે. આ સાથે વધારે જાણકારી માટે તમે  https://bit.ly/3goTOAp પર જઈને જાણી શકો છો. 

શું છે આ નવા ભૂરા રંગના સિલિન્ડરના ફાયદા

• ઈન્ડેન એકસ્ટ્રા તેજની ફ્લેમ ફાસ્ટ હોય છે.
• આ સિલિન્ડર ઝડપી પ્રેશરથી ગેસ છોડે છે.
• તેના ઉપયોગથી 5 ટકા ગેસની બચત થાય છે. 
• તેની મદદથી કુંકિંગ સમયમાં પણ ઘટાડો થાય છે. 
• સામાન્ય સિલિન્ડરની તુલનામાં તેનાથી 14 ટકા સુધી કુકિંગ સમય ઓછો લાગે છે. 
• તેમાં પ્રેશર વધારે હોય છે માટે તેને ઘરેલૂ ઉપયોગમાં લઈ શકાશે નહીં. 

  

   

કેટલા કિલોનો હોય છે આ સિલિન્ડર
આ સિલિન્ડરનું વજન કર્મશિયલ ગ્રાહકો માટે 19 કિલો, 47.5 કિલો અને 425 કિલોની કેપેસિટીમાં મળી શકે છે. તેને કંપનીએ  ખાસ કર્મશિયલ ગ્રાહકો માટે બનાવ્યો છે. 

ક્યાં મળી રહ્યો છે આ સિલિન્ડર
તમે આ સિલિન્ડરને ડિસ્ટ્રીબ્યુટરની પાસેથી સરળતાથી ખરીદી શકો છો. ઈન્ડિયન ઓઈલની અધિકૃત સાઈટના આધારે એકસ્ટ્રા તેજ સિલિન્ડરને જલ્દી દેશમાં વેચવામાં આવશે અને કેટલાક શહેરોમાં હાલમાં તે મળી રહ્યો છે. તેને કોઈ ઈન્ડેન ગ્રાહક જ ખરીદી શકે છે.