કામની વાત / Indian Oilએ પેટ્રોલ પંપો પર કર્યો મોટો ફેરફાર, હવે આ રીતે મળશે ફ્યૂઅલ

• Indian Oilએ કર્યો મોટો ફેરફાર
• ગ્રાહકો કોઈના પણ સંપર્કમાં આવ્યા વિના ભરાવી શકશે પેટ્રોલ
• કંપનીએ કેટલાક પેટ્રોલ પંપને કર્યા ઓટોમેટિક 

 
કોરોના વાયરસના કારણે માર્કેટની સ્થિતિ ઘણી બદલાઈ છે. જ્યાં બેંકમાં હવે અલગ રીતે કામ થાય છે, કરિયાણાની દુકાનો પર પણ સોશ્યલ ડિસ્ટન્સિંગનું ધ્યાન રાખીને સામાન અપાય છે. હવે આ લિસ્ટમાં પેટ્રોલ પંપ પણ સામેલ થયા છે. તમે પણ સોશ્યલ ડિસ્ટન્સિગનું પાલન કરીને પેટ્રોલ અને ડીઝલ  ભરાવી શકો છો. હવે ઇન્ડિયન ઓઈલે પોતાના અનેક પેટ્રોલ પંપને ઓટોમેટિક કર્યા છે. જેનાથી ગ્રાહકનું અડધું કામ ઓટોમેટિક થઈ જાય છે. 

We’re proud to announce that over 30,000 #IndianOil petrol pumps are now automatic. Drive in & experience automatic e-receipts, automatic loyalty points and automatic payments at any IndianOil petrol pump near you. Automatic matlab IndianOil. pic.twitter.com/SxZBkwHPke

— Indian Oil Corp Ltd (@IndianOilcl) July 1, 2021

કંપનીએ ટ્વિટ કરીને આપી છે માહિતિ
કંપનીએ આ જાણકારી તેના ટ્વિટર એકાઉન્ટથી આપી છે. તેના અનુસાર હવે ગ્રાહકોને પેટ્રોલ પંપ પર અલગ અનુભવ થશે. જે આ સમયે જરૂરી પણ છે. એવામાં તમારા માટે જાણવું જરૂરી છે કે કંપનીએ કયા કયા ફેરફાર કર્યા છે અને કઈ રીતે નવી પ્રોસેસમાં તમે કામ કરી શકશો. કંપનીએ ટ્વિટમાં એમ પણ કહ્યું છે કે આ જાહેરાત કરતા અમે આનંદ અનુભવીએ છીએ કે લગભગ 30 હજાર ઈન્ડિયન ઓઈલ હવે ઓટોમેટિક થયા છે. તમે તમારા નજીકના પેટ્રોલ પંપ પર જાઓ અને સાથે ઈ રિસિપ્ટ, ઓટોમેટિક લોયલ્ટી પોઈન્ટ્સ અને ઓટોમેટિક પેમેન્ટનો લાભ લઈ શકો છો. ઓટોમેટિક મતલબ કે ઈન્ડિયન ઓઈલ. 

શું થશે ફાયદો
Indian Oilના ઓટોમેટિક પેટ્રોલ પંપના કારણે તમારે કોઈના સંપર્કમાં આવવાની જરૂર રહેશે નહીં. તમે કાર્ડથી કોન્ટેક્ટલેસ ટેક્નોલોજીથી પેમેન્ટ કરી શકશો અને તમને તેની રસીદ ઓનલાઈન મળી રહેશે. ઈન્ડિયન ઓઈલે લોયલ્ટી પોઈન્ટસનો ઉલ્લેખ પણ કર્યો છે. જે ઈન્ડિયન ઓઈલની ખાસ મેમ્બરશીપ પર મળે છે. તેના માટે ઈન્ડિયન ઓઈલના કાર્ડ બનાવવાના રહે છે. ઈન્ડિયન ઓઈલના અનુસાર હવે પેટ્રોલ પંપને ડિજિટલ કરવાનો પ્રયાસ કરવામાં આવી રહ્યો છે.  

શું છે ઈન્ડિયન ઓઈલની ખાસ મેમ્બરશીપ
 
XTRAREWARDS ગ્રાહકો પર પેટ્રોલ ડીઝલની ખરીદી પર રિવોર્ડ પોઈન્ટ મળે છે. ઈન્ડિયન ઓઈલ પોતાના ગ્રાહકોને એક ખાસ સભ્ય બનાવી રહ્યું છે અને જો તમે તે સભ્ય બનો છો તો તમને પેટ્રોલની ખરીદી પર રિવોર્ડ મળે છે. તેનો લાભ તમે શોપિંગમાં કરી શકો છો.  XTRAREWARDS ગ્રાહકોને ઈન્ડિયન ઓઈલ ખાસ સુવિધાઓ આપે છે. તેના સભ્ય બનવા માટે તમે ઓનલાઈન અરજી કરી શકો છો અને પછી તમને કાર્ડ મળે છે. તેના બાદ તમે આ કાર્ડની મદદથી પેટ્રોલ ડીઝલ ખરીદી શકો છો.