ભારતીય ઈતિહાસમાં પહેલીવાર બે મહિલઓને યુદ્ધજહાજ પર તહેનાત કરવામાં આવશે. સબ લેફ્ટનન્ટ કુમુદિની ત્યાગી અને સબ લેફ્ટનન્ટ રીતિ સિંહને આ બહુમાન મળ્યું છે.
17 અધિકારીને વિંગ્સમાં છે સામેલ બંને વિરાંગના
પહેલી વખત અપાઈ રહી છે ટ્રેનિંગ
રાફેલને પણ મળશે મહિલા પાયલટ
ભારતીય નેવીના ઈતિહાસમાં પહેલી વખત એ અદભૂત ઘટના ઘટવા જઈ રહી છે. બે મહિલા અધિકારી સબ લેફ્ટનન્ટ કુમુદિની ત્યાગી અને સબ લેફ્ટનન્ટ રીતિ સિંહને યુદ્ધજહાજ પર તહેનાત કરવામાં આવશે. આ બન્નેની હેલિકોપ્ટર સ્ટ્રીમમાં ઓબ્જર્વર એટલે કે, એરબોર્ન ટેક્નિશિયનના પદમાં પર વરણી કરાઈ છે.
17 અધિકારીને વિંગ્સમાં છે સામેલ બંને વિરાંગના
સબ લેફ્ટનન્ટ કુમુદિની ત્યાગી અને સબ લેફ્ટનન્ટ રીતિ સિંહ અધિકારી નૌકાદળના એ 17 અધિકારીના ગ્રુપનો હિસ્સો છે, જેમાં ચાર મહિલા અધિકારી સામેલ છે અને ત્રણ ઈન્ડિયન કોસ્ટ ગાર્ડના અધિકારી સામેલ છે, જેમને શોર્ટ સર્વિસ કમિશન બેચના અધિકારી તરીકે INS ગરુડ કોચ્ચીમાં સોમવારે યોજાયેલા એક સમારોહમાં ‘ઓબ્જર્વર’તરીકે સ્નાતક થવા અંગે ‘વિંગ્સ’થી સન્માનિત કરવામાં આવ્યા હતા.
પહેલી વખત અપાઈ રહી છે ટ્રેનિંગ
પહેલી વખત મહિલાઓને હેલિકોપ્ટર ઓપરેશનની ટ્રેનિંગ આપવામાં આવી રહી છે. 91માં રેગ્યુલર કોર્સ અને 22માં SSC ઓબ્જર્વર કોર્સના અધિકારીઓને એર નેવિગેશન, ફ્લાઈંગ પ્રોસીઝર, એર વોરફેરમાં દાવપેચ, એન્ટી-સબમરીન વોરફેરની ટ્રેનિંગ આપવામાં આવી હતી.
રાફેલને પણ મળશે મહિલા પાયલટ
વાયુસેનાની 10 મહિલા ફાઇટર પાયલટ ટ્રેનિંગ લઈ રહી છે, જેમાંથી એક 17 સ્ક્વોડ્રન સાથે રાફેલ જેટ ઉડાવશે. 10 સપ્ટેમ્બરે 5 રાફેલ જેટને ભારતીય વાયુસેનામાં સામેલ કરવામાં આવ્યાં છે. ભારતે ફ્રાન્સ પાસેથી 36 રાફેલ જેટ ખરીદ્યાં છે, જેમાં પાંચ ભારત આવી ચૂક્યાં છે, બાકીના 2021નાં અંત સુધીમાં ભારતીય વાયુસેનાનો હિસ્સો બનશે.