પરાજયનો સ્વીકાર / 'અસફળ ગુરુ' ! હોકીમાં ટીમ ઈન્ડીયાને ન જીતાડી શકવાનો રંજ, હેડ કોચ ગ્રેહામ રીડે આપ્યું રાજીનામું

• હોકી વર્લ્ડ કપમાં ભારત ફેંકાયું બહાર
• ટીમ ઈન્ડીયાના હેડ કોચ ગ્રેહામ રીડે સ્વીકારી જવાબદારી
• હોદ્દા પરથી ધરી આપ્યું રાજીનામું 
• ઓડિશાના ભુવનેશ્વરમાં રમાયો વર્લ્ડ કપ 

ઓડિશામાં રમાયેલા મેન્સ હોકી વર્લ્ડ કપમાં ટીમ ઈન્ડિયાનો દેખાવ કંગાળ રહ્યો હતો અને તે ક્વાર્ટર ફાઈનલમાં પણ પ્રવેશી શકી નહતી. કારમા પરાજયની જવાબદારી લેતા હોકી ટીમ ઈન્ડિયાના હેડ કોચ ગ્રેહામ રીડે રાજીનામું આપી દીધું છે. રીડ ઉપરાંત એનાલિસીસ કોચ ગ્રેગ ક્લાર્ક અને સાયન્ટિફિક કન્સલ્ટન્ટ મિશેલ ડેવિડ પેમ્બરટને પણ રાજીનામું આપી દીધું છે. આ ત્રણેયના રાજીનામા હોકી ઈન્ડિયાએ સ્વીકારી લીધા છે. 

Indian men's hockey team head coach Graham Reid resigns after World Cup

Read @ANI Story | https://t.co/fjOe54aeyy#HockeyWorldCup #IndianMensHockeyTeam #HockeyIndia #GrahamReid pic.twitter.com/CQ2mXIqv3D

— ANI Digital (@ani_digital) January 30, 2023

Indian men's hockey team chief coach Graham Reid resigns following World Cup debacle

— Press Trust of India (@PTI_News) January 30, 2023

હોકી ઈન્ડિયાના પ્રમુખ દિલીપ ટિર્કી શું બોલ્યાં 
ભુવનેશ્વરમાં વર્લ્ડ કપના સમાપનના એક દિવસ બાદ 58 વર્ષીય રીડે હોકી ઈન્ડિયાના પ્રમુખ દિલીપ ટિર્કીને રાજીનામું સુપરત કર્યું હતું. રીડ સહિતની ત્રિપુટીના રાજીનામાનો સ્વીકાર કરતાં હોકી ઈન્ડિયાના પ્રમુખ ટિર્કીએ કહ્યું કે, "અમને સારા પરિણામ આપવા બદલ ભારત ગ્રેહામ રીડ અને તેમની ટીમનો હંમેશા ઋણી રહેશે. ખાસ કરીને ઓલિમ્પિક રમતોમાં. દરેક પ્રવાસમાં નવા-નવા માઈલસ્ટોન્સ આવતા હોય છે અને હવે અમારે પણ ટીમ માટે નવી વિચારસરણી સાથે આગળ વધવાનું છે.
 
રાજીનામું આપ્યાં બાદ શું બોલ્યાં ગ્રેહામ રીડ 
રાજીનામું આપ્યા પછી રીડે જણાવ્યું હતું કે, "હવે સમય આવી ગયો છે કે મારે પદ છોડવું જોઈએ અને શાસન આગામી મેનેજમેન્ટને સોંપી દેવું જોઈએ." ભારતીય ટીમ અને હોકી ઈન્ડિયા સાથે કામ કરવું એ મારા માટે સન્માન અને સૌભાગ્યની વાત રહી છે અને આ અદ્ભુત સફરની દરેક પળને મેં માણી છે. હું ટીમને શુભેચ્છા પાઠવું છું.

રીડના કોચિંગમાં એફઆઈએચ વર્લ્ડ સિરીઝ ફાઈનલ્સ જીતી
રીડના કોચિંગમાં ભારતીય ટીમે 2019માં એફઆઈએચ વર્લ્ડ સિરીઝ ફાઈનલ્સ જીતી હતી. આ પછી હોકી ટીમે ભુવનેશ્વરમાં રમાયેલી ઓલિમ્પિક ક્વોલિફાયર્સમાં વિજય મેળવતા ટોકિયો ગેમ્સ માટે ક્વોલિફાય કર્યું હતું. 

હોકી વર્લ્ડ કપમાં જર્મની ચેમ્પિયન

ઓડિશાના ભુવનેશ્વરમાં રમાયેલ હોકી વર્લ્ડ કપમાં જર્મની ચેમ્પિયન બનાવ્યું છે તેણે બેલ્જિયમને હરાવી ખિતાબ જીત્યો હતો. ભારતની વાત કરીએ તો, ક્વાર્ટર ફાઈનલમાં પણ પ્રવેશી શકી નહતી અને પરાજયનો સ્વીકાર કરતાં ગ્રેહામ રીડને હવે ટીમનું ગાઈડ કરવું જરુરી લાગતું નથી.