સોશિયલ મીડિયામાં દેશી પ્રયોગના ઘણા બધા વીડિયો જોયા હશે. ભારતીયો પ્રયોગમાં ખૂબ માહેર હોય છે. ભારતીયોને લઇને એક કહેવત પણ ખૂબ કહેવામાં આવે છે કે ભારતના લોકોથી વધારે જુગાડુ વિશ્વમાં ક્યાય નથી.
આ શખ્સે કર્યો એવો પ્રયોગ કે જોઈને તમે પણ કહેશો વાહ
આ શખ્સ રેલવેના પાટા પર ફટાફટ દોડાવી રહ્યો છે ટ્રેકટર
પથ્થરથી ભરેલી ટ્રોલી લઇને દોડાવી રહ્યો છે ટ્રેકટર
આ શખ્સે કર્યો અનોખો પ્રયોગ
હાલમાં ભારતીય શખ્સનો એક અનોખો પ્રયોગ કર્યો હોય તેવો વીડિયો ઈન્ટરનેટ પર ધૂમ મચાવી રહ્યો છે. આ શખ્સે એવો અનોખો પ્રયોગ કર્યો છે કે રેલવેના પાટા પર ટ્રેકટર દોડાવ્યું છે. આ વીડિયો ઝડપથી વાયરલ થઇ રહ્યો છે. આ વીડિયોમાં આ શખ્સ રેલવેના પાટા પર ફટાફટ ટ્રેકટર દોડાવી રહ્યો છે. તમે પણ વીડિયો જોઇને આશ્ચર્યમાં ગરકાવ થઇ જશો કે અત્યાર સુધી તો તમે રેલવેના પાટા પર માત્ર ટ્રેનોને દોડતી જોઇ હશે. પરંતુ એક ટ્રેક્ટર પાટા પર કેવીરીતે દોડવા લાગ્યું.
વીડિયોમાં જોઇ શકાય છે કે રેલવેના પાટા પર એક ટ્રેક્ટર દોડી રહ્યું છે. શરૂઆતમાં તો એવુ લાગે છે કે કદાચ ટ્રેકટર પાટાની વચ્ચેથી પસાર થઇ રહ્યું છે, પરંતુ વીડિયો પૂરો જોતા ખબર પડે છે કે ખરેખર ટ્રેકટર પાટા પર દોડી રહ્યું છે. તમે જોઇ શકો છો કે ટ્રેકટરની સાથે તેમાં ટ્રોલી પણ લગાવેલી છે. જેમાં પથ્થર પણ ભરેલા છે. તમે વિચારી રહ્યાં હશો કે ટ્રેકટરના પૈડા લોખંડના પાટા પર કપાયા કેમ નહીં? વીડિયોને akshatkumar1601 નામના ઈન્સ્ટાગ્રામ એકાઉન્ટ પરથી શેર કરવામાં આવ્યો છે. વીડિયો યુઝર્સને ખૂબ પસંદ આવી રહ્યો છે.