નિવેદન / ઇમરાન ખાને સ્વીકારી હાર, કહ્યું-આ મામલે પાકિસ્તાનથી આગળ છે ભારત

• ઇમરાન ખાને હથિયાર મુક્યા 
• રાજદ્વારી મામલે ભારત સામે સ્વીકારી પોતાની હાર 
• અમેરિકામાં લોબીંગના મામલે ભારત પાકિસ્તાન કરતા આગળ

ઇમરાન ખાને કહ્યું કે ભારતની અમેરિકામાં એક ખૂબ જ શક્તિશાળી લોબી છે જે પાકિસ્તાન વિરુદ્ધ દરેક કેસમાં તેનો એજન્ડા મજબૂત કરે છે. જેની અસર પાકિસ્તાન સંબંધિત અમેરિકન નીતિઓ પર પડે છે.

અમેરિકામાં ભારતીય લોબી વધુ મજબૂત 

ઇમરાન ખાને આ વાત એસોસિએશન ઓફ ફિઝિશ્યન્સ ઓફ પાકિસ્તાની ડિસેન્ટ ઓફ નોર્થ અમેરિકા (APPNA) ની મીટિંગમાં કહી હતી. તેમણે કહ્યું, "યુ.એસ. માં ભારતની લોબી પાકિસ્તાન કરતા વધારે શક્તિશાળી છે. પાકિસ્તાન પ્રત્યે ભારતનું વલણ પાકિસ્તાન માટેની અમેરિકન નીતિઓને અસર કરે છે."

ઇમરાન ખાનનું નિવેદન 

એટલું જ નહીં, પાકિસ્તાનના પ્રધાનમંત્રીએ  APPNAને અમેરિકામાં ભારતીય લોબીનો સામનો કરવાના પ્રયત્નોને વધુ તીવ્ર બનાવવા જણાવ્યું છે. ઇમરાને કહ્યું કે, પાકિસ્તાન સરકાર એપીએનપીએ સાથે સંસ્થાકીય વ્યવસ્થા રાખવા માંગે છે, તે વિદેશમાં સૌથી શક્તિશાળી અને પ્રભાવશાળી પાકિસ્તાની જૂથ માનવામાં આવે છે.

ભારત પર હુમલો કરતા ઇમરાન ખાને કહ્યું કે, ભારત સ્થાનિક મુદ્દાઓથી ધ્યાન હટાવવા માટે પાકિસ્તાન હસ્તકના કાશ્મીર (પીઓકે) માં ખોટા ધ્વજ અભિયાન શરૂ કરી શકે છે.