કબડ્ડી / વર્લ્ડ કબડ્ડી ચેમ્પિયનશીપ માટે પાકિસ્તાન પહોંચી ભારતીય ટીમ, થયો વિવાદ

• કબડ્ડી ચેમ્પિયનશિપ માટે ભારતીય ટીમ પાકિસ્તાન પહોંચી, પાકિસ્તાન પંજાબના રમત મંત્રીએ સ્વાગત કર્યું
• ભારતીય રમત મંત્રાલયે કહ્યું, મંજૂરી વગર જનારાઓ પર કાયદાકીય કાર્યવાહી કરવી જોઈએ

ચેમ્પિયનશીપમાં ભાગ લેવા માટે ભારતની આ ટીમ શનિવારે વાઘા બોર્ડર દ્વારા લાહોર પહોંચી હતી. ટીમના લાહોર પહોંચવાની તસવીરો વાઈરલ થઈ હતી. પાકિસ્તાન પંજાબના રમત મંત્રી રાય તૈમુર ખાન ભટ્ટીએ લાહોરની હોટલમાં ભારતીય ટીમનું સ્વાગત કર્યું. પાકિસ્તાનમાં પ્રથમવાર કબડ્ડી ચેમ્પિયનશિપ યોજાઈ રહી છે, જે સોમવારથી શરૂ થશે.

Team India doing March Past at the opening ceremony of Kabbadi Worldcup 2020#KabaddiWorldCup pic.twitter.com/5ATvElOa0i

— Indian Kabaddi Team (@KabaddiIndia) February 9, 2020

રમત મંત્રાલયના સૂત્રોએ જણાવ્યું કે,‘સરકારે કોઈપણ એથ્લિટને પાકિસ્તાન જવાની મંજૂરી આપી નથી. જ્યારે ઈન્ટરનેશનલ ટૂર્નામેન્ટમાં દેશનું પ્રતિનિધિત્વ કરવા માટે તે જરૂરી હોય છે. અમને આ અંગે ત્યારે જાણ થઈ જ્યારે અમારી પાસે માહિતી માગવામાં આવી. મંજૂરી વગર જનારાઓ પર કાયદાકીય કાર્યવાહી કરવી જોઈએ.’ ભારતીય એમેચ્યોર કબડ્ડી મહાસંઘના એસ.પી. ગર્ગે જણાવ્યું કે,‘ફેડરેશને કોઈ પણ ટીમને મંજૂરી આપી નથી. અમારી પાસે પાકિસ્તાન જનારી કબડ્ડી ટીમ વિશે કોઈ માહિતી નથી.’

વિશ્વ કબડ્ડી ચેમ્પિયનશિપના ગત 6 તબક્કા 2010 અને 2019 સુધી ભારતમાં આયોજીત થયા હતા. ભારતે દરેક 6 ચેમ્પિયનશિ જીતી હતી. જેમાં તેણે 2010, 2012, 2013 અને 2014 માં પાકિસ્તાને હરાવ્યુ હતુ. પાકિસ્તાની આયોજકોએ કહ્યુ કે, ઓસ્ટ્રેલિયા, ઇંગ્લેન્ડ, જર્મની, ઇરાન, અઝરબેજાન, સિએરા લિયોન, કેન્યા અને કેનેડાની ટીમ પણ આ પ્રતિયોગિતામાં ભાગ લઇ રહી છે. વિજેતા ટીમને એક કરોડ જ્યારે રનર્સઅપ ટીમને 75 લાખ રૂપિયા મળશે.