યુક્રેન જંગ / ઇન્ટરનેશલ કોર્ટમાં ભારતીય જજે કર્યું રશિયા વિરુદ્ધ વોટિંગ, હવે આવી શકે છે આ પરિણામ

• દલવીર ભંડારી ICJમાં છે ભારતના ન્યાયાધીશ
• ભારતે હજુ સુધી મતદાનમાં ભાગ નથી લીધો
• ICJએ રશિયાને યુદ્ધ બંધ કરવાનો આદેશ આપ્યો

ઈન્ટરનેશનલ કોર્ટ ઓફ જસ્ટિસે રશિયાને યુક્રેનમાં પોતાની સૈન્ય કાર્યવાહી તાત્કાલિક બંધ કરવા કહ્યું. આ મામલે 13-2ના નિર્ણય બાદ CJIએ આ આદેશ જાહેર કર્યો છે. વોટિંગ દરમિયાન 13 દેશો એ પક્ષમાં રહ્યાં કે, રશિયાએ યુક્રેનમાં તુરંત સૈન્ય કાર્યવાહી બંધ કરી દેવી જોઈએ. જ્યારે 2એ તેની વિરુદ્ધમાં મતદાન કર્યું હતું. સંયુક્ત રાષ્ટ્રની કોર્ટમાં ભારતીય ન્યાયાધીશ જસ્ટિસ દલવીર ભંડારીએ પણ રશિયા વિરુદ્ધ બહુમતીની તરફેણમાં મતદાન કર્યું હતું. જો કે, આ વોટિંગના કારણે બની શકે કે કદાચ રશિયા ભારતના વોટિંગથી યુક્રેનમાં યુદ્ધને રોકી શકે.

સંયુક્ત રાષ્ટ્રની અદાલતમાં 15 ન્યાયાધીશો હોય છે. ICJ અધ્યક્ષ જો આન ઇ ડોનોગ્યુ (યુએસએ), ન્યાયાધીશ પીટર ટોમકા (સ્લોવાકિયા), ન્યાયાધીશ રોની અબ્રાહમ (ફ્રાન્સ), ન્યાયાધીશ મોહમ્મદ બેનોઉના (મોરોક્કો), ન્યાયાધીશ અબ્દુલકાવી અહેમદ યુસુફ (સોમાલિયા), ન્યાયાધીશ જુલિયા સેબુટિંડે (યુગાન્ડા), ન્યાયાધીશ દલવીર ભંડારી (ભારત). ), ન્યાયાધીશ પેટ્રિક લિપ્ટન રોબિન્સન (જમૈકા), ન્યાયાધીશ નવાફ સલામ (લેબેનોન), ન્યાયાધીશ ઇવાસાવા યુજી (જાપાન), ન્યાયાધીશ જ્યોર્જ નોલ્ટે (જર્મની), ન્યાયાધીશ હિલેરી ચાર્લ્સવર્થ (ઓસ્ટ્રેલિયા) અને ન્યાયાધીશ તદર્થ દૌડેટએ બહુમતીની તરફેણમાં મતદાન કર્યું. 

આ બંને દેશોએ રશિયાની તરફેણમાં મતદાન કર્યું

જે બે ન્યાયાધીશોએ રશિયાની તરફેણમાં મતદાન કર્યું હતું તેમાં ઉપરાષ્ટ્રપતિ કિરિલ ગેવોર્ગિયન (રશિયા) અને ન્યાયાધીશ સુ હનકિન (ચીન) સામેલ છે. ઇન્ટરનેશનલ કોર્ટ ઑફ જસ્ટિસના નિર્ણયો બંધનકર્તા હોવા છતાં એવાં કિસ્સાઓ પણ સામે આવ્યાં છે કે, જ્યાં દેશોએ પોતાની અવગણના કરી છે, કારણ કે ICJ પાસે પોતાના આદેશોને લાગુ કરવા માટે કોઈ સીધું માધ્યમ નથી.

જાણો કોણ છે આ દલવીર ભંડારી?

જસ્ટિસ દલવીર ભંડારીનો વર્લ્ડ કોર્ટમાં આ બીજો કાર્યકાળ છે. 2012 માં તેઓ પ્રથમ ટર્મ માટે ચૂંટાયા હતાં, જેમાં તેઓ 2018 સુધી ચાલુ રહ્યાં હતાં. બાદમાં ભારત દ્વારા તેમને ફરીથી નોમિનેટ કરવામાં આવ્યાં. તેઓએ યુકેનના નોમિની જસ્ટિસ ગ્રીનવુડને હરાવીને ICJમાં બીજી ટર્મ મેળવી છે.