વિરોધ / અમદાવાદ IIM કેમ્પસની હોસ્ટેલ તોડવા પર વિવાદ, જાણો વિદ્યાર્થીઓ કેમ કરી રહ્યાં છે વિરોધ

• વિદ્યાર્થીઓ કરી રહ્યા છે વિરોધ
• શું કહે છે વહીવટી તંત્ર 
• સમારકામ ચાલી રહ્યુ છે તેમ છતાં નવી ઈમારત કેમ?

ભારતની ટોચની મેનેજમેન્ટ સંસ્થાઓમાં અમદાવાદની Indian institute of management (IIM-A) માં વિવાદ ઉભો થયો છે. અહીં કોલેજ વહીવટીતંત્રે વિદ્યાર્થીઓની છાત્રાલયની 18 જુની ઇમારતને તોડી નવા રૂમ બનાવવાનો નિર્ણય લીધો છે. જો કે, વિદ્યાર્થીઓ કહે છે કે 1960 માં અમેરિકન આર્કિટેક્ટ લુઇસ કાહને બાંધેલી જૂની ઇમારતો કેમ્પસની પ્રતિષ્ઠા ધરાવે છે અને તેને તોડી પાડવાનો નિર્ણય યોગ્ય નથી. 

શું કહે છે વહીવટી તંત્ર 

વહીવટીતંત્રનું કહેવું છે કે આ જૂની ઇમારતોને તોડી પાડવાનું એક મુખ્ય કારણ એ છે કે તેમને છેલ્લા કેટલાક વર્ષોમાં ભારે નુકસાન સહન કરવું પડ્યું છે. 2001 ના ભુકંપ પછી ઇમારતોની રચનાઓ પણ નબળી પડી છે. આ સિવાય જે નવી ઇમારતો બનાવવામાં આવશે તેમાં વધુ વિદ્યાર્થીઓનો સમાવેશ કરી શકાશે.  જૂના છાત્રાલયના સંકુલમાં ફક્ત 500 વિદ્યાર્થીઓ રહી શકશે, નવા સંકુલમાં 800 વિદ્યાર્થી માટે ઓરડાઓ બનાવવામાં આવશે.

સમારકામ ચાલી રહ્યુ છે તેમ છતાં નવી ઈમારત કેમ?

આઇકોનિક ઇમારતોને તોડી પાડવાનો નિર્ણય ત્યારે લેવામાં આવ્યો હોવાનું કહેવાય છે જ્યારે મુંબઈ સ્થિત એક કંપની - સોમાયા અને કલાપ્પા કન્સલ્ટન્ટ્સ ((SNK) .) પહેલેથી જ જૂના ડોર્મ્સ, કેમ્પસના વિક્રમ સારાભાઇ લાઇબ્રેરી અને ફેકલ્ટી-એડમિનિસ્ટ્રેટિવ બ્લોક્સનું સમારકામ કરી રહી છે. 2014 માં એક સ્પર્ધા પછી, આ કંપનીને કેમ્પસ નવીનીકરણની જવાબદારી સોંપવામાં આવી હતી. ગયા વર્ષે, કંપનીને પુસ્તકાલયના સમારકામ માટે UNESCO એવોર્ડ મળ્યો હતો.

ડિરેક્ટરે લખ્યો 11 પાનાનો પત્ર
 
IIM-Aના આ નિર્ણય અંગેના વિવાદ બાદ સંસ્થાના ડિરેક્ટર પ્રોફેસર એર્લ ડીસુઝાએ જૂના વિદ્યાર્થીઓને 11 પાનાનો પત્ર લખ્યો છે. આમાં તેમણે જૂની ઇમારત તોડવાના કારણો આપ્યા છે. પત્રમાં જણાવાયું છે કે જૂની રચનાઓમાં રહેવું મુશ્કેલ હતું, કારણ કે તેની કોંક્રિટ અને સ્લેબ સતત પડી રહ્યા છે અને આનાથી લોકોનું જીવન જોખમમાં મુકાઈ શકે છે.
 
જો કે, આર્કિટેક્ચર નિષ્ણાતો, વિદ્યાર્થીઓ અને ફેકલ્ટી આ નિર્ણયથી ખુશ નથી. ખરેખર, IIM-Aની ઇમારતો 20મી સદીની કેટલીક ઉત્તમ કલાઓનું ઉત્તમ ઉદાહરણ છે. તેઓની સ્થાપના અમેરિકાના લોકપ્રિય આર્કિટેક્ટ લૂઇસ કહને કરી હતી, જેઓ સંસ્થાના સ્થાપક-ડિરેક્ટર વિક્રમ સારાભાઇના આમંત્રણ પર 1962 માં ભારત આવ્યા હતા. કહને અહીં નેશનલ ઇન્સ્ટિટ્યૂટ  ડિઝાઇનમાં સલાહકાર બનાવવામાં આવ્યો હતો અને આઈઆઈએમ-એ બિલ્ડિંગ્સ પર સતત કામ કરતો રહ્યો.