સિંગિંગ રિયાલિટી શો ઇન્ડિયન આઇડલ હમેશાં કોઈને કોઈ કારણોસર ચર્ચામાં રહે છે. આ શોના આગામી એપિસોડમાં નેહા કક્કડ અને રોહનપ્રીત સિંહ એક સાથે જોવા મળશે. શોમાં શાદી સ્પેશિયલ ખાસ એપિસોડ બતાવવામાં આવશે, જેમાં નેહા કક્કડ પતિ રોહનપ્રીત સાથે જોવા મળશે.
સિંગિંગ રિયાલિટી શો ઇન્ડિયન આઇડલ હમેશાં ચર્ચામાં રહે છે
શોના આગામી એપિસોડમાં નેહા કક્કડ અને રોહનપ્રીત સિંહ એક સાથે જોવા મળશે
તમને જણાવી દઈએ કે નેહા કક્કડ આ શોમાં જજ છે. આ પહેલીવાર થશે જ્યારે નેહા પતિ રોહનપ્રીત સાથે ઇન્ડિયન આઇડલના મંચ પર સાથે જોવા મળશે. અહીં રોહનપ્રીત સિંહ કહેશે કે તે અને તેનો પરિવાર નેહા પ્રત્યે કેટલો ગર્વ અનુભવે છે. આટલા મોટા સ્ટેડ પર નેહા સાથે ઉભા રહીને રોહનપ્રીત પોતાને ધન્ય માને છે.
ટાઇમ્સ ઓફ ઈન્ડિયાના સમાચાર મુજબ, રોહનપ્રીતે એમ પણ કહ્યું કે તેણે તેની માતા સાથે વાત કરી હતી કે તે ભાગ્યશાળી છે કે તેને આવા પ્રતિષ્ઠિત મંચ પર આવવાનો મોકો મળ્યો. પતિની આ વાતો સાંભળી નેહા કક્કડ ભાવુક થઈ જાય છે અને તેના આંસુ રોકી શકતી નથી.
ઈન્ડિયન આઇડલનો અનુભવ શેર કરતાં રોહનપ્રીતે કહ્યું - તે આટલા મોટા સ્ટેજ પર છે અને નેહાને કારણે મને આ પ્લેટફોર્મ પર ઊભા રહેવાની તક મળી છે, હું ખૂબ નસીબદાર છું. મને નેહા પર ગર્વ છે. તે જે પણ અડે છે તે સોનાનું બની જાય છે. હું ખુશ છું કે તે મારી સાથે છે. તમને જણાવી દઈએ કે ઓક્ટોબર 2020માં નેહા રોહનપ્રીત સાથે લગ્નમાં બંધાઈ ગઈ હતી. લગ્ન દિલ્હીમાં થયા હતાં. આ બંનેના લગ્નના ફોટા સોશિયલ મીડિયા પર ખૂબ વાયરલ થયા હતા.