રીયાલીટી શો / આદિત્ય સાથે લગ્નની વાતથી અને સ્ટેજ પર આ લોકોને જોઈ નેહા કક્કડ ચોંકી ગઈ, થયો ચોંકાવનારો ખુલાસો

• ઇન્ડિયન આઈડલમાં જોવા મળે છે આદિત્ય-નેહાની કેમેસ્ટ્રી 
• રવિવારના શોમાં આદિત્ય અને નેહાનાં પેરેન્ટ્સ આવ્યા હતા 
• નેહા અને આદિત્યનાં પેરેન્ટ્સે બંનેને શોમાં જ આપ્યા આશીર્વાદ 

આદિત્ય ઘણી વખત શો પર નેહાને પોતાના પ્રેમ વિશે કહેતા હોય છે. ઘણી વખત નેહા માટે રોમેન્ટિક ગીત પણ ગાય છે અને બંને ડાન્સ પણ કરે છે. હવે રવિવારનાં એપિસોડમાં પરિવારે પણ આ રિશ્તાને મંજુરી આપી દીધી છે. 

ઉદિત નારાયણે પણ પત્ની દીપા અને અલકા યાગ્નિક સાથે મસ્તી કરી

રવિવારે ઇન્ડિયન આઈડલમાં બોલીવૂડનાં સિંગર નારાયણ અને અલકા યાગ્નિક આવ્યા હતા. અને ઉદિત નારાયણની પત્ની દીપા નારાયણ પણ અહી ઉપાસ્થિત હતી. ઉદિતનાં દીકરા આદિત્યએ અહી નેહા સાથે લગન કરવાની વાત કરવા માટે પરિવાર સાથે વાત પણ કરી. એટલું જ નહિ ઉદિત નારાયણે પણ પત્ની દીપા અને અલકા યાગ્નિક સાથે મસ્તી કરી. જે બાદ તેમણે નેહાને કહ્યું કે નેહાએ આદિત્ય સાથે લગ્ન કરી લેવા જોઈએ.  

આદિત્યએ લગ્નનાં તારીખનું એલાન કર્યું કે 14 ફેબ્રુઆરીનાં રોજ બંને લગ્ન કરી રહ્યા છે

નેહા કક્કરને પણ આદિત્યનાં માતા પિતા ઉદિત અને દીપા નારાયણ ખુબ પસંદ છે. બંનેએ નેહાને આશીર્વાદ આપ્યા. હવે આ શોમાં નેહાનાં મા બાપ પણ રિશ્તો લઈને પહોંચી ગયાં અને આદિત્યને આશીર્વાદ આપ્યા. આદિત્યએ લગ્નનાં તારીખનું એલાન કર્યું કે 14 ફેબ્રુઆરીનાં રોજ બંને લગ્ન કરી રહ્યા છે. 

નેહા તો પોતાના મા બાપને શોમાં જોઇને ખુબ આશ્ચર્યમાં પડી ગઈ. જે બાદ ખબર પડી કે આ બધું શોમાં ખાલી રોમાંચ માટે કરવામાં આવ્યું છે. ખુદ નેહાને પણ ખબર ન હતી કે તેના પેરેન્ટ્સ ત્યાં આવવાના છે. નોંધનીય છે કે આદિત્ય અને નેહા ખુબ સારા મિત્ર છે અને ઇન્ડિયન આઈડલમાં મસ્તી કરતા દેખાતાં હોય છે. બંનેની આ કહાની શોમાં રોમાન્ટિક ટ્વીસ્ટ લાવવા માટે કરવામાં આવી હતી.