કેન્દ્રીય પરિવહન મંત્રી નીતિન ગડકરીએ ગુરૂવારે લોકસભામાં એક સવાલનો જવાબ આપતા આ ચોંકાવનારી વિગતો આપી હતી.
કેન્દ્રીય મંત્રીએ સંસદમાં આપ્યા ચોંકાવનારા આંકડા
સુરક્ષાની દ્રષ્ટિએ સરકાર નહીં કરે કોઈ બાંધછોડ
ચાલૂ નાણાકીય વર્ષમાં આટલા વાહનો પાછા ખેંચાયા
નાણાકીય વર્ષ 2021-22માં વાહન સુરક્ષાની સામે આવેલા આંકડા ચોંકાવનારા છે. કેન્દ્રીય પરિવહન મંત્રી નીતિન ગડકરીએ ગુરૂવારે લોકસભામાં એક સવાલનો જવાબ આપતા આ ચોંકાવનારી વિગતો આપી હતી. તેમણે જણાવ્યું છે કે, પાછલા નાણાકીય વર્ષ 2021-22માં ટેકનિક ખામી અને સુરક્ષાના કારણોને ધ્યાનમાં રાખતા લગભગ 13 લાખ જેટલા વાહનો રિકોલ કરવામાં આવ્યા છે. આ આંકડાના સ્ત્રોત આધાર સોસાયટી ઓફ ઈંડિયન ઓટોમોબાઈલ મેન્યુફેક્ચર્સ દ્વારા બનાવામાં આવેલા ડેટાના હવાલેથી આપ્યા છે. વાહન વાપસીની આ સંખ્યા છેલ્લા 3 વર્ષમાં સૌથી વધારે છે. જેને જોઈને એવું સમજી શકાય છે કે, સરકાર કોઈ પણ રીતે સેફ્ટી સ્ટાંડર્ડ્સને લઈને સમાધાન કરવાના પક્ષમાં નથી.
છેલ્લા કેટલાય સમયથી સરકાર વાહનોની સુરક્ષાની દ્રષ્ટિએ મોટા પરિવર્તન કરી રહી છે. જેમાં NCAP ક્રેશ ટેસ્ટ રેટિંગ પોઈન્ટથી ફરજિયાત 6 એરબેગ સહિત કેટલાય ફેરફાર કર્યા છે.
આટલા વાહન પાછા ખેંચ્યા
એક રિપોર્ટમાં જણાવ્યા અનુસાર જોઈએ તો નાણાકીય વર્ષ 2019-20માં લગભગ 2.14 લાખ વાહન રિકોલ કર્યા હતા, જ્યારે 2020-21માં આ આંકડો 3.39 લાખ થઈ ગયા છે. પણ 2021-22માં સૌથી વધારે 13 લાખથી વધારે વાહનો રિકોલ કરવામાં આવ્યા છે. જેમાં 8,64,557 દ્વિચક્રી વાહન અને 4,67,311 પેસેન્જર કારોને કંપનીઓએ રિકોલ કર્યા છે. તો વળી વાત કરીએ ચાલૂ નાાણાકીય વર્ષ 2022-23ની તો 15 જૂલાઈ સુધી 1,60,025 દ્વિચક્રી અને 25,142 પેસેન્જર કાર પાછી ખેંચવામાં આવી ચુકી છે.
દુર્ઘટનાના આંકડા અત્યંત ગંભીર
કેન્દ્રીય મંત્રી નીતિન ગડકરીએ આ જાણકારી આપી છે કે, જિનેવાના વર્લ્ડ રોડ સ્ટેટસ્ટિક્સ અનુસાર, 2020ન આંકડાની વાત કરીએ તો, ભારતમાં 1.5 લાખ રોડ અકસ્માત થાય છે. આ રિપોર્ટ ઈંટરનેશનલ રોડ ફેડરેશન દ્વારા જાહેર કરવામાં આવ્યો, જે આંકડા અનુસાર તે 27 દેશોમાં એક વર્ષ દરમિયાન નોંધાતા કુલ કેસના 26.37 ટકા છે. તો વળી આ જ વર્ષમાં કાર, ટેક્સીઓ અને નાના વાહનોથી જોડાયેલા કુલ 69,986 કુલ ઘટનાઓ નોંધાઈ છે.
સુરક્ષા સિવિધાઓમાં પોતાની ગંભીરતા જાહેર કરતા સરકારે હવે આવનારી તમામ સેગમેંટની નવી ગાડીઓમાં 6 એરબેગ ફરજિયાત કરી છે. તો વળી ગાડીની પાછળ અને મીડિલ સીટમાં ટૂ પિન સીટ બેલ્ટની જગ્યા હવે થ્રી પીન સીટ બેસ્ટ ફરજિયાત કર્યું છે. તેની સાથએ જ હવે દ્વિચક્રી વાહનો માટે ચાર વર્ષથી ઓછી ઉંમરના બાળકોને પણ ફરજિયાત હેલ્મેટ પહેરવાનું હોય છે. તે ઉપરાંત ગાડીઓમાં સુરક્ષાની તપાસ હેતુ પોતાનું ખુદનું NCAP તૈયાર કરી રહ્યું છે.