તૈયારી / લદ્દાખને લઇને સરકારે તૈયાર કર્યો એવો પ્લાન કે ચીનને લાગશે ઝટકો

લદ્દાખના સરહદી વિસ્તારોમાં આવેલા ગામોમમાં સંચાર સુવિધાને મજબૂત કરવા માટે કેન્દ્ર સરકારે નવો પ્લાન તૈયાર કર્યો છે. સરકારે લદ્દાખમાં 134 ડિજિટલ સેટેલાઇટ ફોન ટર્મિનલ સ્થાપિત કરવાની યોજના બનાવી છે. 

લદ્દાખમાં એક્ઝિક્યૂટિવ કાઉન્સલર કુનચોક સ્ટાંજીએ જણાવ્યું કે લદ્દાખના 57 ગામોમાં ઝડપથી વાતચીતના માધ્યમ (સંચાર તંત્ર)ને મજબૂત કરવામાં આવશે. જેના માટે છેલ્લા આઠ વર્ષથી પ્રયત્ન કરવામાં આવી રહ્યો હતો. કુનચોક સ્ટાંજીના  જણાવ્યા મુજબ લેહ માટે 24 મોબાઇલ ટાવરની મંજૂરી મળી ગઇ છે, પરંતુ હજુ વધારે 25 મોબાઇલ ટાવરની જરૂરિયાત છે. 

જમ્મૂ-કાશ્મીર અને લદ્દાખમાં કનેક્ટિવિટી પર 336.89 કરોડ રૂપિયા ખર્ચ કરવામાં આવશે. જો માત્ર લદ્દાખની વાત કરીએ તો તેના પર 57.4 કરોડ રૂપિયાનો ખર્ચ થશે. જેનાથી જમ્મૂ-કાશ્મીરના કેટલાંક ગામોમાં લોકોને ફોનની સુવિધાનો ફાયદો મળશે. 

લદ્દાખમાં જે મહત્વપૂર્ણ વિસ્તારોમાં સેટેલાઇટ ફોન કનેકશન મળશે તેમાં ગલવાન ઘાટી, દોલત બેગ ઓલ્ડી, હોટ સ્પ્રિંગ્સ, ચુશૂલ સામેલ છે. આ બધા વિસ્તાર વાસ્તવિક સરહદ (નિયંત્રણ રેખા)ની નજીક છે. ગલવાન ઘાટીમાં હાલમાં જ ચીન સાથે સંઘર્ષ થયો છે, જ્યારે દોલત બેગ ઓલ્ડીમાં ભારતના સૈનિકોને કેમ્પ છે. અહીં દૂરસંચાર વ્યવસ્થા (કમ્યુનિકેશન સિસ્ટમ) શરૂ કરવાની માંગ છેલ્લા ઘણા સમયથી હતી. 

લદ્દાખના એક્ઝિક્યૂટિવ કાઉંસલરે કહ્યું ચીને પોતાના સરહદ વિસ્તારમાં ફોનના નેટવર્કનો વિસ્તાર કરી દીધો છે. ચીનની પોતાની નેટવર્ક સ્થિતિ સારી છે. ભારતે હવે આ દિશામાં કામ શરૂ કરી દીધું છે. ભારતની સરહદની ભૌગોલિક પરિસ્થિતિના કારણે દરેક ગામમાં એક મોબાઇલ ટાવરની જરૂરિયાત પડી શકે છે.