તમારા કામનું / જો તમે પણ Microsoft યૂઝર્સ છો થઇ જાઓ સાવધાન! સરકારે જાહેર કરી છે ગંભીર ચેતવણી, સાઇબર એટકેનો છે ખતરો

• Windows દુનિયાભરમાં સૌથી વધારે ઉપયોગ થનારી પીસી ઓપરેટિંગ સિસ્ટમ છે
• અમુક યુઝર્સ પોતાની સરળતા માટે આ એપ્સના જૂના વર્ઝનને ચલાવ્યા કરે છે

માઇક્રોસોફ્ટ દ્વારા Windows અને Microsoft Office જેવી અનેક મોટી સર્વિસ ઓફર કરવામાં આવે છે. Windows દુનિયાભરમાં સૌથી વધારે ઉપયોગ થનારી પીસી ઓપરેટિંગ સિસ્ટમ છે. ત્યાં માઇક્રોસોફ્ટ ઓફિસની જરુર રોજીંદા કામોમાં માટે પડે છે. પરંતુ હવે સરકારે આ સર્વિસને લઇ ગંભીર ચેતવણી જાહેર કરી છે. 

Microsoft Office હેઠળ યૂઝર્સ Word, Excel, PowerPoint અને Outlook જેવા અનેક એપ્સને યૂઝ કરી શકે છે. છેલ્લા કેટલાક વર્ષોમાં તેની ઉપયોગીતા વધી ગઇ છે. 

માઇક્રોસોફ્ટના આ ટુલ્સ વિશ્વાસપાત્ર છે અને કંપની કોઇ પણ સંભાવિત સાઇબરએટેકથી બચવા માટે રેગ્યુલર સિક્યોરિટી અપડેટ પણ જાહેર કરે છે. પરંતુ અમુક યુઝર્સ પોતાની સરળતા માટે આ એપ્સના જૂના વર્ઝનને ચલાવ્યા કરે છે. જ્યારે આ જૂની એપ્સને નુકશાન પહોંચાડવું ખૂબ જ સરળ હોય છે. 

આવી જ અમુક સમસ્યાઓ Microsoft Windows, Office, Azure, Apps, Dynamics અને બીજી અન્ય સર્વિસમાં જોવા મળી છે, આની પર ભારત સરકારે Microsoft યૂઝર્સ માટે વોર્નિંગ જાહેર કરી છે. 

મિનિસ્ટ્રી ઓફ ઇલેક્ટ્રોનિક્સ એન્ડ ઇન્ફોર્મેશન ટેક્નોલોજી હેઠળ આવનારી ઇન્ડિયન કોમ્યુટર ઇમરજન્સી રિસ્પોન્સ ટીમ (CERT-In)એ જાણકારી આપી છે કે માઇક્રોસોફ્ટ પ્રોડક્ટ્સમાં અનેક ખરાબીઓ જોવા મળી છે. 

આ સમસ્યાઓનો ફાયદો ઉઠાવીને દૂર બેસીને એટેકર સિક્યોરિટીને બાયપાસ કરી શકે છે, સેન્સેટિવ ઇન્ફોર્મેશનને ચોરી કરી શકે છે અને સ્પૂફિંગ એટેક પણ કરી શકે છે. આ એટેક્સથી બચવા માટે યૂઝર્સને માઇક્રોસોફ્ટ દ્વારા બતાવવામાં આવેલ પેચને એપ્લાય કરવાનો રહેશે.