BIG NEWS / ચીનના સાઇબર એટેકને લઇ ભારત સરકારનો મોટો નિર્ણય, જુઓ કર્મચારીઓ માટે શું ગાઇડલાઇન જાહેર કરી

• ભારત સાયબર એટેકના મામલાને લઈને વધુ સતર્ક
• હુમલાઓમાં ચીની હેકર્સનો હાથ હોવાનું માનવામાં આવે છેઃસૂત્રો
•  દિલ્હી AIIMSનું સર્વર છેલ્લા 10 દિવસથી હેક થઈ ગયું છે

ચીન માત્ર સરહદ પર જ નહીં પરંતું સાયબર એટેક દ્વારા પણ ભારતને પ્રભાવિત કરવાનો સતત પ્રયાસ કરી રહ્યું છે. ભૂતકાળમાં દિલ્હી AIIMS માં પણ સર્વર હેક થયાના સમાચાર સામે આવ્યા હતા. હવે ભારત સરકાર સતત સાયબર હુમલાના મામલાઓને લઈને પહેલા કરતા વધુ સતર્ક થઈ ગઈ છે. મંત્રાલયો અને જાહેર ક્ષેત્રના એકમોના કર્મચારીઓ પ્રમાણભૂત ઓપરેટિંગ પ્રોટોકોલનું પાલન કરે તે સુનિશ્ચિત કરાવવા માટે સરકારે તેની દેખરેખ કડક કરવાનો નિર્ણય લીધો છે. આમાં કમ્પ્યુટરને બંધ કરવું, ઈમેઈલમાંથી સાઈન આઉટ કરવું અને અપડેટ કરવું શામેલ છે. 

AIIMS સાયબર હુમલો આ પ્રોટોકોલનું પાલન ન કરવાના કારણે જ થયોઃસૂત્રો
સત્તાવાર સૂત્રોએ જણાવ્યું હતું કે AIIMS સાયબર હુમલો આ પ્રોટોકોલનું પાલન ન કરવાના કારણે જ થયો હતો. ઘણીવાર કર્મચારીઓ તેમના ઇમેઇલમાંથી સાઇન આઉટ કરતા નથી અથવા તેમના મશીનો બંધ કરતા નથી. AIIMSમાં પણ કંઈક આવું જ બન્યું, જેના કારણે સાયબર ક્રાઈમનો સામનો કરવો પડ્યો. પાવર ગ્રીડથી લઈને બેંકિંગ સિસ્ટમ સુધી, તાજેતરના મહિનાઓમાં ઘણા સાયબર હુમલાઓ થયા છે. જેમાં ભારતીય સત્તાવાળાઓ નિષ્ફળ રહ્યા છે. એઈમ્સ પણ તેમાંથી એક છે. 

દિલ્હી AIIMSનું સર્વર છેલ્લા 10 દિવસથી હેક
મોટાભાગના હુમલાઓને ચાઈનીઝ હેકર્સની હાથવગી તરીકે જોવામાં આવે છે, જેઓ ઘણીવાર ભારતીય વપરાશકર્તાઓના કમ્પ્યુટરનો ઉપયોગ કરીને "સ્લીપર સેલ" તરીકે કામ કરે છે. દિલ્હી AIIMSનું સર્વર છેલ્લા 10 દિવસથી હેક થઈ ગયું છે, જેના કારણે સંસ્થાનું તમામ ડિજિટલ કામ ઠપ થઈ ગયું છે. AIIMSના સ્ટાફના સતત પ્રયાસો પછી પણ આ સમસ્યા હજુ સુધી સંપૂર્ણ રીતે દૂર થઈ શકી નથી.