ઈનામ / પડોશીનું WiFi હૅક કરતી દિલ્હીની 20 વર્ષીય યુવતીએ કર્યું એવું કે Microsoftએ આપ્યા 22 લાખ રૂપિયા

• MICROSOFT ના AZURE ક્લાઉડ સિસ્ટમમાં એક બગ શોધ્યો 
• MICROSOFTએ આપ્યા 22 લાખ રૂપિયા
• 40થી વધુ મોટી કંપનીઓના બગ શોધ્યા

MICROSOFT ના AZURE ક્લાઉડ સિસ્ટમમાં એક બગ શોધ્યો 
દિલ્હીની એક યુવતીએ MICROSOFTની સિસ્ટમમાં એક મોટા બગનો ખુલાસો કર્યો હતો અને તેની આ ટેક્નિકલ ઉપલબ્ધિના કારણે તેને લાખો રૂપિયાનું ઈનામ મળ્યું હતું. એથિકલ હેકર આ યુવતીનું નામ છે અદિતી સિંહ. જેણે  MICROSOFT ના AZURE ક્લાઉડ સિસ્ટમમાં એક બગ એટલે કે ખામી શોધી હતી, ત્યારબાદ તેને 30,000 ડોલર એટલે કે 22 લાખ રૂપિયા આપવામાં આવ્યા હતા. 

MICROSOFTએ આપ્યા 22 લાખ રૂપિયા
બે મહિના પહેલા જ તેણે ફેસબુકમાં પણ એક બગ શોધ્યો હતો. આ તેણે બીજો બગ શોધ્યો છે. રિપોર્ટ અનુસાર આ બગ પણ રિમોટ કોડ એક્ઝિક્યુશન હતો જે માઇક્રોસોફ્ટની એંજયોર ક્લાઉડ સિસ્ટમમાં શોધ્યો હતો. MICROSOFT ના AZURE ક્લાઉડ સિસ્ટમમાં મળેલ બગ તેમણે બે મહિના પહેલા જ શોધ્યો હતો. પરંતુ કંપનીએ કોઈ જવાબ આપ્યો ન્હોતો કારણકે કંપની એ બાબતે તપાસ કરી રહી હતી કે કોઈએ આ વર્ઝન ડાઉનલોડ કર્યું છે કે નહીં. અદિતીના કહ્યા અનુસાર તેણે શોધેલ બંને બગ એક જ સરખા હતા. જે કંપની માટે ઘણા ઘાતક સાબિત થાત. સાથે જ આ બગ એકદમ સરળ ન હોવાથી જલ્દીથી દેખાતા નથી. 

40થી વધુ મોટી કંપનીઓના બગ શોધ્યા 
અદિતીએ પોતાના વિશે વાત કરતાં જણાવ્યું કે તે છેલ્લા બે વર્ષમાં એથિકલ હેકિંગમાં સામેલ થઈ હતી. તેણે તેના જીવનમાં સૌથી પહેલું હેકિંગ તેના પાડોશીના વાઇ-ફાઈનું કર્યું હતું. તે જ્યારે મેડિકલ NEETની તૈયારી કરી રહી હતી ત્યારે તેને હેકિંગ કરવામાં રસ જાગ્યો હતો. અદિતીએ અત્યાર સુધીમાં 40થી વધુ મોટી કંપનીઓના બગ શોધી લીધા હતા.