દેશભરમાં ભગવાન શ્રીકૃષ્ણનો જન્મોત્સવ ધામધૂમથી મનાવવામાં આવી રહ્યો છે. આ ખાસ અવસરે ટીમ ઈન્ડિયાના પૂર્વ કપ્તાન મહેન્દ્ર સિંહ ધોની પણ શ્રીકૃષ્ણની લીલાઓમાં ડૂબેલા જોવા મળ્યા હતા. જન્માષ્ટમીના અવસરે ધોની વાંસળી વગાડતા જોવા મળ્યા.
ધોનીનો વાંસળી વગાડતો વીડિયો સોશિયલ મીડિયા પર ઘણો વાયરલ થયો છે. ધોનીની વાંસળી પકડવાની સ્ટાઈલ અને તેમાંથી નીકળતા રાગને સાંભળીને લાગી રહ્યું છે જાણે તેઓએ પહેલાં પણ વાંસળી વગાડી હશે. વાંસળી વગાડતી સમયે ધોનીએ આંખો પર કાળા ગોગલ્સ પહેર્યા હતા અને સાથે ટીમ ઈન્ડિયાના લોગો વાલી કેઝ્યુઅલ ટીશર્ટ પહેરી હતી.
Happy janmashtami to all MSdians around the world
How Many Retweets for our krishna pic.twitter.com/WCVHCvBUsq
આ વીડિયોમાં પાછળની તરફ ટીમ ઈન્ડિયાના કેટલાક લોકો પણ જોવા મળી રહ્યા છે. જો કે વીડિયો બનાવનારાનું ફોકસ માહી પર જ હતું. ધોનીનો વાંસળી વગાડતો આ 7 સેકંડનો આ વીડિયો વાઈરલ થઈ રહ્યો છે. તેના પર હાલ સુધી 1000 લાઈક્સ આવી ચૂક્યા છે.