દેશમાં કોરોના વાયરસ સામે લડવા માટે વધુમાં વધુ ટેસ્ટની આવશ્ક્યતા છે ત્યારે એક સ્વદેશી સ્ટાર્ટઅપ કંપનીએ માતર 500 રૂપિયામાં એક ટેસ્ટ થઇ શકે તેવી ટેસ્ટ કિટ વિકસિત કરી છે. આટલું જ નહીં કંપની એક મહિનામાં એક કરોડ ટેસ્ટ કિટનું ઉત્પાદન કરવાની ક્ષમતા ધરાવે છે.
દેશમાં કોરોના સામેની જંગમાં મોટી રાહત
પ.બંગાળની ખાનગી કંપનીએ બનાવી સસ્તી ટેસ્ટ કિટ
માત્ર 90 મિનીટમાં આપશે પરિણામ, એક કરોડ ટેસ્ટ કિટનું ઉત્પાદન
પશ્ચિમ બંગાળનાં દક્ષીણ 24 પરગના સ્થિત પ્રાઈવેટ કંપની જીસીસી બાયોટેક ઈન્ડિયાએ દાવો કર્યો છે કે તેમણે એવી સ્વદેશી ટેસ્ટ કિટ તૈયાર કરી છે જેમાં એક ટેસ્ટ કરવાની કિંમત માત્ર 500 રૂપિયા છે. કંપનીનો દાવો છે કે ICMR દ્વારા મંજૂરી પણ આપી દેવામાં આવી છે.
હાલ 40 લાખ કિટ સ્ટોકમાં છે : કંપની
જીસીસી ઈંડિયાના એમ ડી આર. મજૂમદારે જણાવ્યું કે બે મહિનાના રીસર્ચ બાદ કંપનીએ આ કિટ બનાવી છે. એમડી અનુસાર આ ટેસ્ટ કિટમાં લગાવવામાં આવેલ બધા જ ઉપકરણ કંપની પોતે જ તૈયાર કરે છે જેના કારણે ટેસ્ટ કિટની કિંમત ઓછી છે. કંપનીએ દાવો કર્યો છે કે તેમણે એક કરોડ કિટ બનાવી છે અને સ્ટોકમાં 40 લાખ કિટ ઉપલબ્ધ છે. એમડીએ કહ્યું કે જો દેશમાં પ્રતિદિન 3 લાખ ટેસ્ટ કરવા હોય તો કંપની કોઈ સમસ્યા વગર તેમની મદદ કરી શકે તેમ છે.
ICMRએ પહેલી મે ના દિવસે જ આ ટેસ્ટ કિટને સ્વીકૃતિ આપી હતી
આ ટેસ્ટ કિટની યોગ્યતા પર મુદ્દે જણાવતા મજૂમદારે કહ્યું કે ICMRએ પહેલી મે ના દિવસે જ આ ટેસ્ટ કિટને સ્વીકૃતિ આપી દીધી હતી. નોંધનીય છે કે હાલમાં નિયમો અનુસાર એક ટેસ્ટ કરવા માત ખાનગી પ્રયોગશાળામાં વધુમાં વધુ 4500 રૂપિયા લેવામાં આવે છે જ્યારે હવે આ સ્ટાર્ટઅપ કંપનીએ દાવો કર્યો છે કે તે એક ટેસ્ટના વધુમાં વધુ 500 રૂપિયાનો ખર્ચ આવશે.જે બાદ હવે કોરોના સામેની લડાઈમાં ભારતનાં હાથ વધુ મજબુત થશે.
After 2 months of R&D we made this kit. It is cost effective as it contains all reagents produced by us. We've made 1 crore test kits&have 40 lakh in store. If India can do 3 lakh tests per day,we'll be able to support the govt without any problems:R Majumdar,MD,GCC Biotech India pic.twitter.com/pjlB1PoPSe
કંપનીના જણાવ્યા અનુસાર આ ટેસ્ટ કિટ ખૂબ ઝડપથી પરિણામ આપી શકે છે. આ ટેસ્ટ કિટને રીયલ ટાઈમ ટેસ્ટ કિટ પણ કહેવામાં આવી રહી છે. જે તે દર્દીનો રિપોર્ટ માત્ર 90 મિનીટમાં આવી શકે છે. આટલું જ નહીં કોઈ વ્યક્તિને ચેપ લાગ્યો હોય અને ઇન્ક્યુબેશન પિરિયડ પૂરો થયો નહી હોય તો પણ આ ટેસ્ટ કિટની મદદથી જાણી શકાશે કે કોરોના પોઝિટિવ છે જે નહીં. કંપની કે મહિનામાં એક કરોડ ટેસ્ટ કિટનું ઉત્પાદન કરવાની ક્ષમતા ધરાવે છે.
We received approval from Indian Council of Medical Research (ICMR) on 1st May 2020: Raja Majumdar, MD, GCC Biotech India, on its indigenous 'real-time' #COVID19 test kit costing only Rs 500 https://t.co/gkE2hhuML0
કંપનીએ કહ્યું કે દેશની ICMR દ્વારા તો મંજૂરી મળી ગઈ છે પરંતુ WHO દ્વારા સ્વીકૃતિ મળે તેની રાહ જોવાઈ રહી છે. જો રાજ્ય કે કેન્દ્ર સરકાર દ્વારા ટેસ્ટ કિટની માંગ કરવામાં આવે તો કંપનો પહોંચી વળે તેમ છે. હાલમાં દેશમાં 4500માં ટેસ્ટ થાય છે ત્યારે જો 500 રૂપિયામાં ટેસ્ટની શરૂઆત થશે તો આર્થિક રીતે પછાત વ્યક્તિઓને ફાયદો થઇ શકે તેમ છે.