ભારત- પાકિસ્તાન વચ્ચે યોજાયેલ મેચને એક અઠવાડિયું થવા આવ્યું, પરંતુ આ મુકાબલાની ચર્ચા હજી સુધી ક્રિકેટ દુનિયામાં ચાલી રહી છે. આ મુકાબલા બાદ પાકિસ્તાનની ટીમને ઘણું બધુ સાચુ ખોટું સાંભળવું પડ્યું.
આપને જણાવી દઇએ કે, આ મેચની ચર્ચાઓ વચ્ચે એક દિલચસ્પ ઘટના ઘટવા પામી હતી. જેમાં એક ખાસ વિડીયો વાયરલ થયો હતો જે કોઇ ખેલાડીનો નહીં પરંતુ એક ખુબસુરત કપલનો હતો.
ઉલ્લેખનીય છે કે, મેચ જ્યારે ચાલી રહી ત્યારે એક છોકરાએ સ્ટેડિયમમાં છોકરીને પ્રપોઝ કર્યું હતું. જ્યારે આખી દુનિયા ભારત-પાકિસ્તાનની મેચને રસપ્રદ રીતે નિહાળી રહી હતી ત્યારે એક ક્રિકેટ રસિયાએ તમામની વચ્ચે પોતાની ગર્લફ્રેન્ડને પ્રપોઝ કર્યું હતું.
ભારતીય ક્રિકેટ ટીમનું ટી-શર્ટ પહેરીને આવેલ એક પ્રસંશકે વીંટી બતાવી પોતાની ગર્લફ્રેન્ડને પ્રપોઝ કર્યું હતું. જે છોકરીને તેણે પ્રપોઝ કર્યું હતું તેનું નામ અન્વિતા છે જેણે આ વિડીયોને સોશિયલ મીડિયામાં અપલોડ કર્યો હતો.