'મેડ ઇન ઇન્ડિયા' ઈલેક્ટ્રિક સ્કૂટરને ફ્રાંસના રાષ્ટ્રપતિના કાફલામાં શામેલ કરવામાં આવ્યો છે. Peugeot Motorcycles (PMTC)ના હસ્તાંતરણના બે દિવસ પછી, મહિન્દ્રા એન્ડ મહિન્દ્રાના ચેરમેન આનંદ મહિન્દ્રાએ ટ્વિટ કર્યું છે કે ભારતમાં ઉત્પાદિત પ્યુજો ઈ-લુડિક્સ ઈલેક્ટ્રિક સ્કૂટરને ફ્રાંસના રાષ્ટ્રપતિના ફ્લીટમાં સામેલ કરવામાં આવ્યો છે.
આ ઈલેક્ટ્રિક સ્કૂટરને ભારતથી ફ્રાંસ એક્સપોર્ટ કરવામાં આવશે
ફ્રાંસના રાષ્ટ્રપતિના કાફલામાં ભારતીય સ્કૂટર સામેલ
ફ્રાંસના રાષ્ટ્રપતિના કાફલામાં સામેલ પ્યુજો ઈ-લુડિક્સ ઈલેક્ટ્રિક સ્કૂટર ભારતમાંથી એક્સપોર્ટ કરવામાં આવ્યું છે. ફ્રાંસના રાષ્ટ્રપતિના કાફલામાં સામેલ થનારું તે પહેલું ઇલેક્ટ્રિક સ્કૂટર છે. મહિન્દ્રા એન્ડ મહિન્દ્રા સહાયક કંપનીએ જાન્યુઆરી 2015માં પ્યુજો મોટરસાયકલનો 51% હિસ્સો ખરીદ્યો હતો અને હવે જાહેરાત કરી છે કે કંપની આશરે 110 કરોડનું રોકાણ કરશે.
Peugeot Motocycles (a @MahindraRise company) is part of the ‘energetic’ transformation of the French Presidential fleet! Our brand new Peugeot e-Ludix, is the 1st electric 2-wheeler to join the fleet. And they’re proudly the 1st electric 2-wheelers exported from India https://t.co/8w0IScggS8
પ્યુજો ઈ-લુડિક્સ ઇલેક્ટ્રિક સ્કૂટરનું ઉત્પાદન મધ્યપ્રદેશના પીઠમપુર મહિન્દ્રા પ્લાન્ટમાં કરવામાં આવી રહ્યું છે. આ ઇલેક્ટ્રિક સ્કૂટરમાં 3kW ઇલેક્ટ્રિક મોટર છે. જ્યારે આ સ્કૂટરનું વજન આશરે 85 કિલો છે. તેની મહત્તમ ઝડપ પ્રતિ કલાક 45 કિલોમીટર છે. તેમાં લિથિયમ ઑયન બેટરી છે જે ત્રણ કલાકમાં ચાર્જ થઈ જાય છે.
બેટરીની ખાસિયત
આ ઈલેક્ટ્રિક સ્કૂટરમાં લિથિયમ ઑયન બેટરી છે. તેની સૌથી મોટી ખાસિયત એ છે કે તે રિમૂવેબલ બેટરી છે. એટલે કે તેને સ્કૂટરમાંથી કાઢીને ચાર્જ કરી શકાય છે. એકવાર ફુલ ચાર્જ કર્યા બાદ આ સ્કૂટર 50 કિલોમીટર સુધી ચાલે છે અને બેટરીને ફુલ ચાર્જ કરવામાં 3 કલાકનો સમય લાગે છે. તેની ટોપ સ્પીડ 45 કિલોમીટર પ્રતિ કલાક છે.