ભારતીય અર્થવ્યવસ્થામાં ઝડપથી સુધારાના સંકેત મળી રહ્યા છે. વૈશ્વિક રિસર્ચ ફર્મ ગોલ્ડમેન સોક્સે આર્થિત ગતિવિધિઓમાં આવેલી તેજીને જોતા ચાલુ નાણાકીય વર્ષના વિકાસ દર અનુમાનમાં સુધારો કર્યો છે. એજન્સીએ કહ્યું કે આ વર્ષે જીડીપીમાં લગભગ 10 ટકા ઘટાડો રહેશે. તો આવતા વર્ષમાં તે 13 ટકાના દરે વધશે.
2020-21ના વિકાસ દર અનુમાનોમાં પણ સુધાર કરવાનો રહેશે
સપ્ટેમ્બરમાં 0.2 ટકા તેજી આવી છે
વતા વર્ષમાં જીડીપી13 ટકાના દરે વધશે
ગોલ્ડમેન સોક્સના જણાવ્યાનુંસાર ઓક્ટોબરમાં પરચેજિંગ મેનેજર્સ ઈન્ડેક્સ(પીએમઆઈ)નો વૃદ્ધિ દર 13 વર્ષનો રેકોર્ડ તોડતા 58 માં સ્થાન પર પહોંચ્યી ગયુ છે. એટલું જ નહીં ઔદ્યોગિક ઉત્પાદન સૂચકાંક(આઈઆઈપી) પણ 6 મહિનામાં પહેલી વાર વધ્યું છે અને સપ્ટેમ્બરમાં 0.2 ટકા તેજી આવી છે. સુધારાના આ સંકેતોને જોતા 2020-21ના વિકાસ દર અનુમાનોમાં પણ સુધાર કરવાનો રહેશે.
ફર્મનું કહેવું છે કે ચાલુ નાણા વર્ષમાં ભારતીય અર્થવ્યવસ્થામાં 10.3 ટકા ઘટાડો આવી શકે છે. સપ્ટેમ્બરમાં એજન્સીએ 14.8 ટકા ઘટાડાનું અનુમાન લગાવ્યું હતુ. હવે આમાં 4.5 ટકાના સુધારો કર્યો છે. ફર્મે કહ્યું કે બીજા નાણાવર્ષ 2021-22માં ભારતીય જીડીપી 13 ટકાની ઝડપથી આગળ વધશે. આ દુનિયામાં સૌથી તેજીથી વધતી અર્થવ્યવસ્થા રહેશે.
મૂડીઝમાં પણ સુધારાનું અનુમાન
વૈશ્વિક રેટિંગ એજન્સી મૂડીઝે ભારતીય અર્થવ્યવસ્થામાં આવેલા ઝડપથી સુધારાને જોતા ચાલુ નાણાંકીય વર્ષ માટે વિકાસ દરના અનુમાનમાં સુધારો કર્યો હતો. મુડીઝે કહ્યું હતુ કે સપ્ટેમ્બર ક્વાર્ટરમાં ભારતીય અર્થવ્યવસ્થામાં 9.6 ટકા ઘટાડો આવી શકે છે. પરંતુ છેલ્લા અઠવાડીયામાં આને સુધારીને 8.9 ટકા કરી દીધો હતો. આ ઉપરાંત આરબીઆઈએ ચાલુ નાણાંકીય વર્ષમાં જીડીપીમાં 9.5 ટકા ઘટાડાનું અનુમાન લગાવ્યું છે. જો કે રેટિંગ એજન્સીનું કહેવું છે કે નાણાંકીય વર્ષના બીજા 6 માસિક ક્વાર્ટરમાં ભારતીય અર્થવ્યવસ્થામાં રિકોર્ડ તેજી આવી છે અને આવનારા વર્ષમાં આ સૌથી ઝડપથી વધનારી અર્થવ્યવસ્થા બની જશે.