યુક્રેનમાં ભારતીય મૂળનાં એક ડોકટરે પોતાનાં પાલતુ પ્રાણીઓ માટે 80 લાખ રૂપિયા કરતા પણ વધારે ખર્ચે બોમ્બ પ્રૂફ રહેઠાણ બનાવડાવ્યું.
યુક્રેનમાં ભારતીય મૂળનાં ડોકટરે પોતાનાં પાલતુ પ્રાણીઓ માટે બનાવ્યું બોમ્બ પ્રૂફ રહેઠાણ
લગભગ 80 લાખ રૂપિયાનો આવ્યો ખર્ચ
2007માં ગીરીકુમાર પાટીલ આવ્યા હતા યુક્રેન
યુક્રેનમાં ભારતીય મૂળનાં ડોકટરે પોતાનાં પાલતુ પ્રાણીઓ માટે બનાવ્યું બોમ્બ પ્રૂફ રહેઠાણ
ભારતીય મૂળનાં ડોક્ટર ગીરીકુમાર પાટીલ છેલ્લા 6 વર્ષથી યુક્રેનમાં રહી રહ્યા છે. રશિયા અને યુક્રેન વચ્ચેના તણાવને કારણે ઘણા ભારતીયો ભારત પરત ફર્યા છે, પણ આંધ્રપ્રદેશનાં ડોક્ટર ગીરીકુમારે યુક્રેનમાં જ પોતાનાં પ્રાણીઓ સાથે રહેવાનો નિર્ણય કર્યો. આ બે પ્રાણીઓ છે છે બ્લેક પેન્થર અને જગુઆર.
માર્ચની એક રિપોર્ટ અનુસાર, ગીરીકુમાર પાટીલે આ બે પેટ કેટ્સને લગભગ 20 મહિના પહેલા ક્યિવ ઝૂથી અડોપ્ટ કરી હતી અને પોતાની આ કેટ્સને છોડીને યુક્રેન છોડવાનો પણ તેમણે ઇનકાર કર્યો હતો.
ગીરીકુમાર પાટીલે પોતાનાં પ્રાણીઓની રક્ષા કરવા માટે લગભગ 80 લાખ કરતા વધારે રૂપિયાનું બોમ્બ પ્રૂફ રહેઠાણ બનાવ્યું છે. તેમણે કહ્યું હતું કે હું એક 200 મીટર લાંબુ બોમ્બ પ્રૂફ રહેઠાણ બનાવી રહ્યો છું. મારી પાસે કોઈ રસ્તો નથી કેમકે ઝૂ મોટી કેટ્સને રાખવા તૈયાર નથી.
તેઓ આગળ કહે છે કે મારા માતા-પિતા મને ફોન કરી રહ્યા છે અને ઘરે બોલાવી રહ્યા છે, પરંતુ હું મારા પ્રાણીઓને ન છોડી શકું. ત્યાર બાદ બે મહિના બાદ યુક્રેનના તણાવ ભરેલા વાતાવરણમાં રહ્યા બાદ તેમણે આખરે ભારત આવવાનો નિર્ણય કર્યો હતો, પરંતુ લોકલ સોલ્જરે તેમને ક્રિમીનલ સમજીને ધમકી પણ આપી હતી.