લદ્દાખની ગલવાન ઘાટીમાં થયેલી હિંસામાં સામેલ પોતાના દેશના સૈનિકને ચીને વિંટર ઓલિમ્પિકમાં મશાલચી બનાવતા ભારતે એક મોટું પગલુ ભર્યું છે.
બેઈજિગમાં આયોજિત વિંટર ઓલિમ્પિકનો ભારતે કર્યો બહિષ્કાર
ઉદ્ધાટન સમારોહમાં ભારતીય રાજદ્વારી હાજર નહીં રહે
ચીને ગલવાન હિંસામાં સામેલ સૈનિકને ટોર્ચ બિયરર બનાવ્યો છે
ચીનના આ નિર્ણયના વિરોધમાં ભારતે પગલું ભર્યું
ગલવાન હિંસામાં ઘાયલ થયેલા સૈનિકોને વિંટર ઓલિમ્પિકમાં મશાલવાહક બનાવવાના ચીનના નિર્ણયના વિરોધમાં ભારતે એક મોટો નિર્ણય લીધો છે.
ભારતે ચીનની રાજધાની બેઈજિંગમાં આયોજિત થનારી વિંટર ઓલિમ્પિકનો બહિષ્કાર કરવાનો નિર્ણય લીધો છે. ભારતે જણાવ્યું કે બેઈજિંગ ઓલિમ્પિકમાં તેના ટોચના રાજદ્વારી નેતાઓ હાજરી નહીં આપે.
Regrettable that China has chosen to politicise the Olympics. The Indian envoy will not attend the opening or closing ceremony of the Beijing Winter Olympics: MEA on reports of China making Galwan soldier torchbearer pic.twitter.com/AdtDVk3aSv
ઓલિમ્પિક ઉદ્ધાટન સમારોહમાં ભારતીય રાજદ્વારી ભાગ નહીં લેય
વિદેશ મંત્રાલયના પ્રવક્તાએ કહ્યું કે ગલવાન હિંસામાં ઘાયલ સૈનિકને મશાલ વાહક બનાવવાનો રિપોર્ટ અમે જોયો છે. આ હકીકતમાં ખેદપૂર્ણ છે કે ચીની પક્ષ રમતોનું રાજનીતિકરણ કરી રહ્યું છે. તેના વિરોધમાં બેઈજિંગમાં આપણા ચાર્જ ધ અફેર્સ વિંટર ઓલિમ્પિકમાં ભાગ નહીં લેય.
ચીને ગલવાન હિંસામાં સામેલ સૈનિકને બનાવ્યો મશાલચી
મંત્રાલય વતી કહેવામાં આવ્યું કે બેઈજિંગ દૂતાવાસમાં ભારતના પ્રભારી ઉપ રાજદૂત, ઓલિમ્પિક 2022ના ઉદ્ધાટન સમારોહમાં હાજર નહીં રહે. ઉલ્લેખનીય છે કે પૂર્વ લદ્દાખમાં ગલવાન ઘાટીમાં થયેલી હિંસામાં સામેલ એક ચીની સૈનિકે બુધવારે બેઈજિંગ વિંટર ઓલિમ્પિકમાં મશાલ રીલેમાં ભાગ લીધો હતો. બેઈજિંગ વિન્ટર ઓલિમ્પિકની મશાલમાં સામેલ થનાર પિપલ્સ લિબરેશન આર્મીનો રેજિમેન્ટ કમાન્ડર ક્વી ફાબાઓ ગલવાન ઘાટીમાં થયેલી હિંસામાં સામેલ હતો તેથી ભારતે હવે વિન્ટર ઓલિમ્પિકનો બહિષ્કાર કરવાનો નિર્ણય લીધો છે.
ગલવાનમાં ચીનના 38 સૈનિકો તણાઈ ગયા
ભારત અને ચીન વચ્ચે ગલવાનમાં થયેલી અથડામણ દરમિયાન ઘણા સૈનિકો નદીમાં તણાઇ ગયા હોવાનો દાવો એક ઓસ્ટ્રેલિયન અખબારે કર્યો હતો. ઓસ્ટ્રેલિયન અખબારે સમગ્ર મામલાની તપાસ માટે સોશિયલ મીડિયા રિસર્ચર્સની એક આખી અલગ ટીમ તૈયાર કરી હતી. જેણે 'ગલવાન ડીકોડેડ' નામનો અહેવાલ બહાર પાડ્યો હતો. જેના વિશેષ અહેવાલમાં જણાવવામાં આવ્યું છે કે ચીનની પીપલ્સ લિબરેશન આર્મી (PLA)ના ઘણા સૈનિકો તે રાત્રે ગાલવાન નદીમાં તણાઈ ગયા હતા. આ સંશોધન અહેવાલે ડ્રેગનના તમામ દાવાઓને ધ્વસ્ત કરી દીધા હતા.આ સાથે જ રિપોર્ટમાં એવો પણ ખુલાસો થયો છે કે ખીણમાં ગલવાન નદી પાર કરતી વખતે ઘણા ચીની સૈનિકો ડૂબી ગયા હતા, જે બાદ તેમનું મોત થયું હતું. સમાચારમાં દાવો કરવામાં આવ્યો છે કે ચીનને ભારે નુકસાન થયું છે.