આયોજન / ભારત બની રહ્યું છે ડીફેન્સ હબ, 5 વર્ષમાં 35 હજાર કરોડનું કરશે એક્સપોર્ટ

5 વર્ષમાં ડીફેન્સ એક્સપોર્ટ ત્રણ ગણુ વધવાની શક્યતા
11,000 કરોડથી વધીને અંદાજે 35,000 કરોડ થશે

બિપિન રાવતનું શું કહેવું છે ? 

ઘણા દેશના રક્ષા ઉદ્યોગના પ્રતિનિધિઓ અને તેની સાથે જોડાયેલા લોકોની ઉપસ્થિતિમાં રાજધાનીમાં આયોજિત કાર્યક્રમ દરમિયાન સેના પ્રમુખ બિપિન રાવતે કહ્યું કે અમે અમારી સુરક્ષાની જરૂરિયાતને પૂરી કરવા માટે રક્ષા ઉદ્યોગ તરફ જોઇ રહ્યાં છીએ. અમારા સીમા ક્ષેત્રને સક્રિય તેમજ વધુ મજબૂત બનાવા માટે ઘણી યોજનાઓ છે.

આ એક મોટો પ્રયત્ન છે

સેનાના વાઇસ ચીફ લેફિટનેન્ટ જનરલ એમએમ નારાવણે પણ કહ્યું કે અમે એક પ્રયત્ન કરી રહ્યાં છે કે જે પણ રક્ષાને લઇને ખરીદી હોય તેમાંથી મળનારા પૈસા પણ ભારતમાં જ રહે. તેમણે કહ્યું તમે જે પણ ઉત્પાદન કરશો તે અમે લઇ લેશું. 

16 ભારતીય કંપનીઓ સાથે 30 સમજૂતિ

ભારતીય રક્ષા ઉદ્યોગને મજબૂત કરવા માટે ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (DRDO) એ ટ્રાન્સફર ઓફ ટેક્નોલોજી માટે 16 ભારતીય કંપનીઓ સાથે 30 સમજૂતિ કરાર કર્યાં છે. જેમાં ત્રણ સ્ટાર્ટઅપ છે. ગોવા યૂનિવર્સિટીમાં 17માંથી 19 ઓક્ટોબર વચ્ચે વાઇબ્રન્ટ ગોવા ગ્લોબલ એક્સપો એન્ડ સમિટ 2019 નું આયોજન થઇ રહ્યું છે, જ્યાં આ સમજૂતી કરવામાં આવી છે.