ફ્રોડ / ક્રિપ્ટોમાં રોકાણ કરતાં પહેલા ચેતજો! ભારતીયોને લાગ્યો રૂ.1000 કરોડનો ચૂનો, જાણો કઈ રીતે

• ભારતમાં પણ ક્રિપ્ટોના રોકાણકારોએ 1000 કરોડ રૂપિયાથી પણ વધુ આવા ફ્રોડમાં ગુમાવી ચૂક્યા છે
• સાઇબર સુરક્ષા કંપનીના ફિશિંગ ડોમેન અને એન્ડ્રોઇડ આધારિત નકલી ક્રિપ્ટો એપને ઓળખી કાઢે છે
• સ્કેમર્સ પહેલા નકલી ડોમેન બનાવે છે અને પછી એ માન્ય ક્રિપ્ટો ટ્રેડિંગ પ્લેટફોર્મની કોપી કરે છે

આજકાલ ભારતમાં જ નહીં આખી દુનિયામાં ફ્રોડના કેસ સામે આવી રહ્યા છે ક્યાંક ડીજીટલ ફ્રોડ તો ક્યાંક હવે નવું ક્રિપ્ટો ફ્રોડ. લોકો જેમ જેમ ટેકનોલોજીનો ઉપયોગ કરીને કામને અને પૈસા કમાવવાની રીતેને સરળ બનાવતા જશે એમ એમ ત્યાં પણ ફ્રોડના શિકાર બનતા જે છે.  ક્રિપ્ટોકરન્સીથી જોડાયેલા સ્કેમ ઘણા જડપી રીતે વધી રહ્યા છે. દરરોજ દુનિયાના કોઈના કોઈ ખૂણે ક્રિપ્ટોકરન્સીથી જોડાયેલ ફ્રોડના કેસ રિપોર્ટ કરવામાં આવે છે. લેટેસ્ટ મીડિયા રિપોર્ટ અનુસાર ભારતમાં પણ ક્રિપ્ટોના રોકાણકારોએ 1000 કરોડ રૂપિયાથી પણ વધુ આવા ફ્રોડમાં ગુમાવી ચૂક્યા છે.  જો કે આ ફ્રોડ ગ્લોબલ ક્રિપ્ટોકરન્સી એક્સ્ચેન્જ દ્વારા કરવામાં આવ્યું છે. એક સાઇબર સુરક્ષા કંપનીના ફિશિંગ ડોમેન અને એન્ડ્રોઇડ આધારિત નકલી ક્રિપ્ટો એપને ઓળખી કાઢે છે જે ક્રિપ્ટો નિવેશકોને ઠગવાનું કામ કરે છે. 

Business Standardsના અનુસાર, સાઇબર સિક્યોરીટી પ્લેટફોર્મ CloudSEK નું કહેવું છે કે એમને ઘણા ફિશિંગ ડોમેન અને એન્ડ્રોઇડ આધારિત નકલી ક્રિપ્ટો એપ્લિકેશનથી જોડાયેલ ઓપરેશનનો ખુલાસો કર્યો છે. કંપનીએ તેના બહાર પાડેલ બયાનમાં કહ્યું છે કે ' ઘણી મોટી રીતે ચાલતા આવા અભિયાન માણસોને એક મોટા ફ્રોડ તરફ આકર્ષિત કરે છે અને તેમાંથી એક છે ફર્જી વેબસાઇટ. CoinEgg એ યુકે આધારિત એક માન્ય ક્રિપ્ટોકરન્સી ટ્રેડિંગ પ્લેટફોર્મની કોપી છે. CloudSEK એ આગળ જણાવ્યું હતું પ્લેટફોર્મ પર રક પીડિતએ સંપર્ક કરીને જણાવ્યું હતું કે એમને આવા જ એક ક્રિપ્ટોકરન્સી ફ્રોડમાં તેના 50 લાખ રૂપિયા ગુમાવ્યા હતા. જો કે આ રકમમાં ડિપોજીટ અમાઉન્ટ અને ટેક્સ જેવી બીજી ઘણી રકમનો સમાવેશ થયો નથી.  

પ્લેટફોર્મના ફાઉન્ડર અને સીઇઓ રાહુલ સાસીનું કહેવું છે કે કંપનીનું અનુમાન છે કે આવા ક્રિપ્ટો સ્કેમમાં ભારતીય લોકોએ $128 ડોલર એટલે કે લગભગ 1000 કરોડ ગુમાવ્યા છે. એમને આગળ જણાવ્યું હતું કે આવા સ્કેમર્સ પહેલા નકલી ડોમેન બનાવે છે અને પછી એ માન્ય ક્રિપ્ટો ટ્રેડિંગ પ્લેટફોર્મની કોપી કરે છે જેથી કોઈને શંકા પણ ન જાય. બિલકુલ માન્ય લાગવાવાળી આ સાઇટ ખરેખરમાં એક ફ્રોડ હોય છે જે લોકોના પૈસા ઠગે છે. આ સાઇટ બનાવવાવાળ લોકો સોશ્યલ મીડીયામાં તેમની ફેક પ્રોફાઇલ બનાવે છે અને લોકોના સંપર્કમાં આવી એમને ક્રિપ્ટોમાં ઇન્વેસ્ટ કરવા માટે પ્રેરિત કરે છે અને આ સાઇટ દ્વારા ક્રિપ્ટો વ્યવહાર કરાવે છે. 

એક રિપોર્ટ અનુસાર આ નકલી પ્રોફાઇલ એમના દ્વારા બનાવવામાં આવેલ એ નકલી સાઇટમાં ખોટા એક્સ્ચેન્જ દ્વારા રોકાણ કે ટ્રેડિંગ કરવા માટે લોકોને $100 નું ક્રેડિટ આપે છે અને શરૂઆતમાં ત્યાં લોકોને નફો બતાવે છે એ પછી લોકોને વધુ પૈસા લગાવવા માટે પ્રેરિત કરે છે. લોકો જેમ જેમ પૈસા લગાવવાની શરૂઆત કરે છે એમ અચાનક જ એમનું એકાઉન્ટ ફ્રિજ કરી નાખે છે અને જમા કરેલ પૈસા લોકોને પાછા મળતા નથી.  એ પછી લોકો પૈસા પાછા મેળવવા રિક્વેસ્ટ કરે ત્યારે એમના બેન્ક એકાઉન્ટ નબર અને બીજી ડિટેલ માંગવામાં આવે છે અને આ રીતે અંતે સ્કેમને અંજામ આપવામાં આવે છે.