સાઉથ આફ્રિકાથી પરત ફરી એરપોર્ટથી સ્ટેશન પહોંચ્યો આ ઇન્ડિયન બૉલર ઘરે જવા પકડી લોકલ ટ્રેન

સાઉથ આફ્રિકામાં શાનદાર પ્રદર્શન કરી દેશવાસીઓના દિલ જીતી ભારતીય ટીમ સ્વદેશ પરત ફરી છે. ત્યારે આ પ્રવાસ પર પહેલીવાર ભારત માટે રમવાનો મોકો મેળવનાર ક્રિકેટર શાર્દુલ ઠાકુરે પોતાની બોલિંગથી બધાને આશ્ચર્યચકિત કરી દીધા હતા અને તેનાથી પણ વધુ આશ્ચર્ય તો તમને ત્યારે થશે જ્યારે તમે શાર્દુલની સાદગીના આ સમાચાર સાંભળશો.

આ અઠવાડિયાની શરૂઆતમાં જ્યારે શાર્દુલ ઠાકુર એમિરેટ્સની ફ્લાઇટથી ભારત પરત આવ્યો હતો ત્યારે એરપોર્ટથી પોતાના ઘરે પહોંચવા માટે શાર્દુલ સીધો જ અંધેરી રેલ્વે સ્ટેશન પહોંચી ગયો હતો અને અહીંયાથી તેણે પહેલાની જેમ જ લોકલ ટ્રેનમાં પ્રવાસ કર્યો હતો.


આ અંગે જણાવતા 28 વર્ષીય ક્રિકેટરે કહ્યું કે ‘મારી સાથે પ્રવાસ કરતા બધાને સારુ લાગશે કે તેમની સાથે પ્રવાસ કરતો છોકરો દેશ માટે રમે છે. ફ્લાઇટના બિઝનેસ ક્લાસથી સીધો જ ફર્સ્ટ ક્લાસમાં પ્રવાસ કરું છું. બસ હવે તો જલ્દી ઘરે પહોંચવા માગુ છું.’

શાર્દુલે આગળ કહ્યુ કે જે લોકો મને ટ્રેનમાં જોઇ રહ્યા છે તેઓ વિચારી રહ્યા છે કે હું ખરેખરમાં શાર્દુલ ઠાકુર છું કે નહીં. કેટલાક કૉલેજના સ્ટૂડેન્ટ્સ મારી ફોટો ગૂગલ પર સર્ચ કર્યો અને અને ફાઇનલ કર્યું કે હું જ શાર્દૂલ છું પછી તો મારી સાથે સેલ્ફી લેવા માટે પણ પૂછ્યું. મેં તમને કહ્યું કે પહેલા પાલઘર પહોંચવા દો પછી સેલ્ફી લેશું.’

‘મારી સાથે પ્રવાસ કરતા ઘણા લોકોને એ વાતથી આશ્ચર્ય થતું હતું કે ભારતીય ટીમનો ખેલાડી તેમની સાથે ટ્રેનમાં હતો. પરંતુ મને તો મારા જુના દિવસો યાદ આવતા હતા. હું તો આજે પણ જમીન સાથે જ જોડાયેલ છું. કેમ કે આજે આ જગ્યા સુધી પહોંચવા માટે મે ખૂબ મહેનત કરી છે.’

શાર્દુલે આગળ જણાવ્યુ કે ''જ્યારે ટ્રેનમાં હું પહેલા પ્રવાસ કરતો હતો તો ઘણા સહપ્રવાસીઓ મને પૂછતા કે હવે હું કયારે ભારતીય ટીમ માટે રમીશ. કેટલાક લોકો તો ટોન્ટ પણ મારતા હતા. કે ટાઇમપાસ કરવાનું બંધ કર અને કામે લાગ. પરંતુ મે મારુ જીવન ક્રિકેટને જ સમર્પિત કરી દીધું હતું.''

પોતાની બોલિંગ અંગે વાત કરતાં શાર્દુલ જણાવે છે કે ‘એક બોલર તરીકે હું ક્યારેય 140ની મારી સ્પીડ પર ફોકસ નથી કરતો. મારું ફોકસ તો હું કઈ રીતે નવા બોલને વધુ સારી રીતે સ્વિંગ કરાવી શકું કે જેથી બેટ્સમેન પેવેલિયન ભેગો થાય તે પર જ હોય છે. આ સાથે જ તેણે કહ્યું કે હાલ તે ભુવનેશ્વરકુમાર પાસેથી લેગ કટર શીખવાનો પણ પ્રયાસ કરી રહ્યો છે.’

શાર્દુલ IPL2018માં ચેન્નઈ સુપરકિંગ્સ તરફથી રમવાનો છે ત્યારે ધોનીની નેતૃત્વમાં રમવા માટે શાર્દુલ પાસે એક ખૂબ સારો મોકો છે.