ક્રિકેટ / ટીમ ઈન્ડિયા ન્યૂઝીલેન્ડ જવા રવાના, પાંચ ટી20, ત્રણ વનડે અને બે ટેસ્ટ મેચનું આ રહ્યું સંપૂર્ણ શેડ્યૂલ

• ભારતીય ટીમે વર્ષ 2020ની શરૂઆતમાં સતત બે ઘરેલૂ સીરિઝ જીતી
• હવે ભારતીય ટીમ ન્યૂઝીલેન્ડ જવા રવાના
• ભારતીય ટીમનો આત્મવિશ્વાસ વધ્યો

અત્યારે ભારતીય ટીમે શરૂઆતમાં પાંચ ટી20 મેચ રમવાની છે, જેના માટે ટીમની પસંદગી થઈ ચૂકી છે. આ પછી, વનડે અને ટેસ્ટ ટીમોની પસંદગી કરવામાં આવશે. જેમાં નવા ખેલાડીઓને તક મળી શકે છે. હાર્દિક પંડ્યા, શિખર ધવન, ઋષભ પંતની સાથે ઇશાંત શર્માની ઈજા પણ ટીમ માટે ચિંતાનો વિષય છે.

ભારતીય ટીમ લાંબા સમય પછી ન્યૂઝીલેન્ડના પ્રવાસ પર જઈ રહી છે. જ્યાં તે ક્રિકેટના ત્રણેય ફોર્મેટમાં કીવીની ટીમથી ટકરાશે. દોઢ મહિનાના આ લાંબા પ્રવાસ પર તે અહીં પાંચ ટી20, ત્રણ વનડે અને બે ટેસ્ટ મેચ રમશે.

ભારતની ટી20 ટીમ

વિરાટ કોહલી (કેપ્ટન), રોહિત શર્મા (વાઈસ-કેપ્ટન), કેએલ રાહુલ, શિખર ધવન, શ્રેયસ અય્યર, મનીષ પાંડે, ઋષભ પંત (વિકેટકીપર), શિવમ દુબે, કુલદીપ યાદવ, યુઝવેન્દ્ર ચહલ, વોશિંગ્ટન સુંદર, જસપ્રિત બુમરાહ, મોહમ્મદ શમી, નવદીપ સૈની, રવિન્દ્ર જાડેજા, શાર્દુલ ઠાકુર. જેમાં શિખર ધવન અને ઋષભ પંત બંનેને ઓસ્ટ્રેલિયા સામેની શ્રેણીમાં ઈજા થઈ છે, તેથી બંને પર ખાસ નજર રહેશે. 

ન્યૂઝીલેન્ડની ટી20 ટીમ

કેન વિલિયમસન (કેપ્ટન), હેમિશ બેનેટ, ટોમ બ્રુસ, કોલિન ડી ગ્રેન્ડહોમ, માર્ટિન ગુપ્ટિલ, સ્કોટ કુગલિજન, ડેરિલ મિશેલ, કોલિન મુનરો, રોસ ટેલર, બ્લેયર ટીકર, મિશેલ સેન્ટનર, ટિમ સિફર્ટ, ઇશ સોઢી, ટિમ સાઉથી. જેમાંથી ડી ગ્રેન્ડહોમ પહેલી, બીજી, ત્રીજી મેચમાં ઉપલબ્ધ રહેશે અને ટોમ બ્રૂસ ચોથી અને પાંચમી મેચમાં રમશે.