ઓસ્ટ્રેલિયામાં પ્રથમ વખત ટેસ્ટ શ્રેણી જીતવાના ઇરાદા સાથે ભારતીય ક્રિકેટ ટીમ લાંબા પ્રવાસ માટે ઓસ્ટ્રેલિયા રવાના થઇ છે. ભારત અને ઓસ્ટ્રેલિયા વચ્ચે 4 ટેસ્ટ 3 વન ડે અને 3 ટી-20 મેચ રમાશે.
ભારતીય ટીમના ઘણા સભ્યોએ ટ્વિટર પર આ પ્રવાસને લઇને પોતાના વિચાર વ્યક્ત કર્યા છે. જેમાં ચાઇનામેન તરીકે ઉપનામ મેળવનાર કુલદીપ યાદવે તેને 'રોમાંચક પડકાર' બતાવ્યો છે.
કુલદીપ યાદવે ટ્વિટરના માધ્યમથી જણાવ્યું છે કે રોમાંચક પડકાર રાહ જોઇ રહ્યું છે. ટીમ ઇન્ડીયા સાથે ઓસ્ટ્રેલિયાના રોમાંચક પ્રવાસે. કુલદિપ યાદવે ટીમ ઇન્ડિયાના વિકેટ કિપર તેમજ બેટસમેન ઋષભ પંત રોહિત શર્મા તેમજ અન્ય ભારતીય ક્રિકેટર સાથે પોતાનો ફોટો શેર કર્યો છે.
જ્યારે ભારતીય ટીમના ફાસ્ટ બોલર જસપ્રીત બુમરાહે પોતાની પોસ્ટમાં લખ્યું છે કે ઓસ્ટ્રિલાયના પ્રવાસે જવા રવાના...
જ્યારે ભારતીય ક્રિકેટ કંટ્રોલ બોર્ડ (બીસીસીઆઇ) દ્વારા પણ ઓસ્ટ્રેલિયાના પ્રવાસે જઇ રહેલી ભારતીય ટીમના કેટલાક ફોટા ટ્વિટર પર પોસ્ટ કર્યાં છે.
જેમાં ટીમ ઇન્ડિયાના ખેલાડીઓ ફોટા પડાવતા જોવા મળી રહ્યાં છે. ઉલ્લેખનીય છે કે ભારત-ઓસ્ટ્રેલિયા વચ્ચેની આ રોમાંચક શ્રેણીની શરૂઆત 21 નવેમ્બરના રોજ પ્રથમ ટી-20 મેચથી થશે.