ઇન્ડિયન ક્રિકેટ ટીમના કેપ્ટન વિરાટ કોહલી પોતાની સ્ટાઇલને લઇને સતત ચર્ચામાં રહે છે. ટેટૂ હેરસ્ટાઇલ સિવાય કોહલીને મોંઘી અને બ્રાન્ડેડ ચીજવસ્તુઓ ખરીદવાનો પણ શોખ છે. તાજેતરમાં જ તેના હાથમાં મોંઘું વૉલેટ જોવા મળ્યુ હતુ. તે કાળા રંગના વૉલેટની કિંમત જાણીને તમે પણ ચોંકી જશો.
હાલમાં જ વિરાટ કોહલીને મુંબઈ એરપોર્ટ પર સ્પોટ કરવામાં આવ્યો હતો. વ્હાઈટ ટી-શર્ટ અને બ્લેક કલરના ટ્રાઉઝરમાં વિરાટ સાથે એક મોંઘું વોલેટ પણ જોવા મળ્યું હતું. જી હા કાળા રંગના LOUIS VUITTON ZIPPY XL વોલેટની કિંમત અંદાજિત 82000 રૂપિયા છે.
જાહેરાતથી કરે છે કરોડોની કમાણી:
ક્રિકેટર્સ પોતાની રમત ઉપરાંત કોઈને કોઈ બ્રાન્ડને પ્રેમોટ કરીને ઘણા પૈસા કમાય છે. ઈન્ડિયન ક્રિકેટ ટીમના કેપ્ટન વિરાટ કોહલી હાલમાં પોતાની શાનદાર રમતના કારણે બ્રાન્ડ એન્ડોર્સમેન્ટની દુનિયામાં છવાયેલો છે. પોતાના બેટ પર એમઆરએફનો લોગો લગાવવા માટેના 8 કરોડ રૂપિયા લે છે. આ ઉપરાંત જૂતા અને ડ્રેસ દ્વારા પણ તેને 2 કરોડ રૂપિયા મળે છે.
તાજેતરમાં ખરીદ્યો 80 કરોડનો બંગલો:
ઉલ્લેખનીય છે કે વિરાટે હાલ પોતાના દિલ્હી સ્થિત પારિવારિક ઘરમાં રહે છે. જ્યાં તે ટીમ ઇન્ડિયામાં સિલેક્ટ થયા બાદ ઘણા વર્ષો સુધી પણ વિરાટ કોહલી પોતાના પરિવાર સાથે રહ્યો હતો. જોકે હાલમાં જ વિરાટ કોહલીએ ગુરુગ્રામમાં 10 હજાર સ્કવેર ફૂટમાં બનેલો 80 કરોડ રૂપિયાનો આલિશાન બંગલો લીધો છે.
શાનદાર ફોર્મમાં:
વિરાટ કોહલી 66 ટેસ્ટમાં 112 ઇનિંગમાં 8 વખત નૉટઆઉટ રહીને 5554 રન કર્યા છે. આ દરમિયાન વિરાટે 21 સેન્ચુરી 16 હાફ સેન્ચુરી અને 6 ડબલ સેન્ચુરી કરી છે. જો વાત 208 વન ડે મેચની કરવામાં આવે તો તેમાં 35 વખત નૉટ આઉટ રહીને વિરાટ 9588 રન કરી ચૂક્યો છે. વન ડે મેચમાં કોહલીએ 35 સેન્ચુરી અને 46 હાફ સેન્ચુરી કરી છે જ્યારે T-20ની 57 મેચમાં 18 હાફ સેન્ચુરી કરીને 1983 રન કર્યા છે.