Coronavirus / કોરોના વાયરસ પર જીત મેળવવા ભારતે શોધી નાંખ્યો રસ્તો, બસ હવે આટલી જોવાઈ રહી છે રાહ

• કોરોના વાયરસને લઇ આવ્યા સારા સમાચાર 
• કેરળનો કોરોનાગ્રસ્ત ઝડપથી થઇ રહ્યો છે સાજો
• અત્યાર સુધીમાં ચાઇનામાં 900થી વધુ લોકોના થયાં છે મોત 

એવું એટલા માટે કહેવામાં આવી રહ્યું છે કારણ કે, કેરળના ત્રિશૂરમાં કોરોના વાયરસથી પીડિત એક શખ્સ ઝડપથી સાજો થઇ રહ્યો છે. પહેલા જ્યારે તેનો ટેસ્ટ કરવામાં આવ્યો ત્યારે તે કોરોના વાયરસનો શિકાર થયો હોવાનું જાણવા મળ્યું હતું. પરંતુ ઇલાજ બાદ કેટલાક દિવસો પછી ફરી તપાસ કરવામાં આવી તો પરિણામ નેગેટિવ આવ્યું. 

કેરળનો કોરોના પીડિત થઇ રહ્યો છે સાજો 

આ બીમાર વ્યક્તિનો નમૂના કેરળની નેશનલ ઇન્સ્ટિટ્યૂટ ઓફ વાયરોલોજીના યુનિટ (યુઆઈવી) માંથી લેવામાં આવ્યો હતો. હવે આરોગ્ય વિભાગ તે યુવકની સારવાર અંગે યુઆઈવીના અંતિમ અહેવાલની રાહ જોઈ રહ્યું છે. આપને જણાવી દઇએ કે, 30 જાન્યુઆરીએ તેને કોરોના વાયરસથી પીડિત જાહેર કરાયો હતો.

ભારતમાં 3 લોકો થયાં કોરોનાના શિકાર 

ભારતમાં કોરોના વાયરસથી અત્યાર સુધીમાં ત્રણ લોકો પીડિત હોવાનું પુષ્ટિ મળી છે. આવા હજારો લોકોને ચીન અથવા તેનાથી અસરગ્રસ્ત અન્ય દેશોથી પાછા ફરનારા ડોકટરોની તીવ્ર દેખરેખ હેઠળ રાખવામાં આવ્યા છે.

કોરોના વાયરસના કારણે 900થી વધુ લોકોના થયાં મોત 

આપને જણાવી દઇએ કે, ચીનમાં આ જીવલેણ કોરોના વાયરસને કારણે 908 લોકોનાં મોત નીપજ્યાં છે. સોમવારે ચીનના સત્તાવાર નિવેદન મુજબ 40 હજારથી વધુ લોકો આ વાયરસથી પીડિત છે.