ભારત અને ચીન વચ્ચે છેલ્લા કેટલાક સમયથી ચાલી રહેલો વિવાદ હવે ધીરે ધીરે ઓછો થવા લાગ્યો છે. બોર્ડર પરથી બન્ને દેશની સેનાઓ ધીરે ધીરે પાછી હટવા લાગી છે. હાલ શાંતિ જોવા મળી રહી છે. પરંતુ ચીનનો વિશ્વાસ કરી શકાય તેમ નથી. ત્યારે ભારતે ચીનને ઘેરવા માટે સાઉથ ચાઈના સીમાં એન્ટ્રી મારી છે.
ઇન્ડોનેશિયા સાથે ભારતીય કોસ્ટ ગાર્ડના સમુદ્રી કરાર
ઇન્ડોનેશિયામાં ભારતીય કોસ્ટગાર્ડ ઓપરેશન કરી શકશે
ઇન્ડોનેશિયા સાથે કરારથી ચીન ભારતની જાળમાં ફસાયું
ઈન્ડોનેશિયા સાથે ભારતે મહત્વપૂર્ણ કરાર કર્યા છે. હવે ભારતીય કોસ્ટગાર્ડ ઈન્ડોનેશિયામાં ઓપરેશન કરી શકશે. આ કરારથી ચીન ભારતની જાળમાં બરાબર ફસાયું છે. ભારત હવે સાઉથ ચાઈના સી પર સીધી નજર રાખી શકશે અને વિદેશ વેપાર પર નજર રાખી શકશે.
વિદેશ વેપાર માટે મલાકાની સમુદ્રધુની મહત્વનો રસ્તો છે. ત્યારે અહીં પણ ભારત પેટ્રોલિંગ કરી શકશે. મલાકાનો સમુદ્રી માર્ગ ભારતીય ટાપુ આંદામાન નિકોબાર અને ઈન્ડોનેશિયન ટાપુથી બિલ્કુલ નજીક છે. તો ચીનને પેટ્રોલ આયાત માટે આ રસ્તો સૌથી મહત્વનો છે. એટલું જ નહીં ચીન દરેક વસ્તુઓની નિકાસ પણ આ જ માર્ગથી કરે છે. હવે આ જ માર્ગ પર ભારતે એન્ટ્રી મારી છે. જેના કારણે ચીનની ચિંતા વધી ગઈ છે.
તો ચીનને ઈન્ડોનેશિયા, મલેશિયા અને સિંગાપુર સાથે તકરાર ચાલી રહી છે. આ તકરારનો લાભ લઈ ભારતે સાઉથ ચાઈના સીમાં એન્ટ્રી મારી દીધી છે. જેના કારણે ચીન હાંફળું ફાંફળું થઈ ગયું છે.