પાકિસ્તાન સાથે તણાવ વચ્ચે હવે ભારત અને ચીનના સૈનિકો પણ આમને સામને આવી ગયા હતા. આ ઘટના 134 કિમી લાંબા પેગૉન્ગ તળાવના ઉત્તર કિનારા પર બની. ચીની સૈનિકોએ ભારતીય જવાનોની હાજરીનો વિરોધ કરતાં સેના વચ્ચે ધક્કામુક્કી પણ થઈ હતી.
ભારતીય જવાનો અને ચીનના પીપલ્સ લિબ્રેશન આર્મીના સૈનિકો વચ્ચે લદ્દાખમાં સર્જાઈ ધક્કામુક્કી
134 કિમી લાંબા પેગૉન્ગ તળાવના ઉત્તર કિનારા પર બની હતી આ ઘટના
મોડી સાંજ સુધી સંઘર્ષ ચાલુ જ રહ્યો હતો
લાઈન ઓફ એક્ચુઅલ કંટ્રોલ (LAC)ની સ્થિતિને લઈને સર્જાઈ ઘટના
ન્યૂઝ એજન્સી એએનઆઈના આધારે બુધવારે ભારતીય સેનાના જવાન પેગૉન્ગ તળાવના ઉત્તરી કિનારે પેટ્રોલિંગ કરી રહ્યા હતા. આ સમયે તેમનો સામનો ચીનના પીપલ્સ લિબ્રેશન આર્મીના જવાનો સાથે થયો હતો.
પેટ્રોલિંગ સમયે થયો વિવાદ
મળતી વિગતો મુજબ ભારતીય અને ચીની સૈનિકો વચ્ચે લદ્દાખમાં ધક્કા મુક્કી થઈ હતી. આ ઘટના 134 કિમી લાંબા પેગૉન્ગ તળાવના ઉત્તર કિનારા પર બની. જેના એક તૃતિયાંશ ભાગ પર ચીનનો કબજો છે. ભારતીય જવાનો અહીં પેટ્રોલિંગ કરી રહ્યા હતા. તે સમયે તેમનો સામનો ચીનની પીપલ્સ લિબ્રેશન આર્મીના સૈનિકો સાથે થયો. ચીની સૈનિકોએ ભારતીય જવાનોની ઉપસ્થિતિનો વિરોધ કર્યો. અને બાદમાં બન્ને સેના વચ્ચે ધક્કા-મુક્કી થવા લાગી. જેના પરિણામે બંને દેશના જવાનોની સંખ્યા આ વિસ્તારમાં વધારી દેવામાં આવી. ઉલ્લેખનીય છે કે મોડી સાંજ સુધી આ સંઘર્ષ ચાલતો રહ્યો હતો.
LACની સ્થિતિને લઈને વિવાદ
સૂત્રોના આધારે જાણી શકાય છે કે તણાવની સ્થિતિને ઘટાડવા માટે સ્થાપિત કરવામાં આવેલી દ્વિપક્ષીય વ્યવસ્થાના આધારે બંને પક્ષ બ્રિગેડિયર સ્તરના અધિકારીની વાતચીતથી સહમત છે. એક અધિકારીએ જણાવ્યું કે લાઈન ઓફ એક્ચુઅલ કંટ્રોલ (LAC)ની સ્થિતિને લઈને બંને પક્ષોની અલગ માન્યતાઓના કારણે આવી ઘટના બની હતી. આવી ઘટનાઓનું બોર્ડર પર્સનલ મીટિંગ કે ફ્લેગ મીટિંગથી સમાધાન કરવામાં આવે છે.
ભારતીય સેનાએ જણાવ્યું કે સ્થિતિ સામાન્ય
ભારતીય અને ચીની સેનાની વચ્ચે ધક્કામુક્કીની જાણકારીની ઘટના બની હતી. ભારતીય સેનાએ જણાવ્યું કે બંને પક્ષના પ્રતિનિધિમંડળ સાથે વાતચીત બાદ હાલમાં સ્થિતિ સામાન્ય છે.
ચીનની બોર્ડર પર ભારતીય સેના ઓક્ટોબરમાં મોટા યુદ્ધનો અભ્યાસ કરવા જઈ રહી છે. ભારતીય સેનાની માઉન્ટેન સ્ટ્રાઈક કોરના 5000થી વધુ જવાનો ઓક્ટોબરમાં અરુણાચલમાં વાયુસેના સાથે યુદ્ધનો અભ્યાસ કરશે. ચીન બોર્ડર પર આ પહેલો યુદ્ધ અભ્યાસ હશે. સેનાના એક સૂત્રએ જણાવ્યું છે કે તેજપુરના 4 કોરને હાઈ એલ્ટીટ્યૂડ પર પોતાની સેનાની રક્ષા માટે તૈનાત કરવામાં આવશે. જ્યારે 17 માઉન્ટેન સ્ટ્રાઈક કોરના 2500 જવાનોને એરફોર્સ એરલિફ્ટ કરશે. સ્ટ્રાઈક કોરના જવાન યુદ્ધ અભ્યાસમાં 4 કોરના જવાનો પર હવાઈ હુમલો કરશે.