પાકિસ્તાનનું સમર્થનક ચીન હવે ભારત તરફ મિત્રતાનો હાથ આગળ વધારી રહ્યું છે. ચીનના બમ લામાં ચીનની સેનાનો કાર્યક્રમ યોજાયો હતો. જેમાં ભારતીય અને ચીનના સેનાના અધિકારીઓએ એક બીજાને શુભેચ્છા પાઠવતા, હાથ મિલાવતા અને ગળે મળતા નજરે પડ્યા હતા.
ચીનના બમ લામાં થયું આયોજન
બંને દેશના સેનાના અધિકારીઓએ કરી બેઠક
બંને દેશના અધિકારીઓએ મિલાવ્યા હાથ
ભારત અને ચીનના સેનાના અધિકારીઓ એકબીજાને શુભેચ્છા પાઠવતાં તેમજ હાથ મિલાવ્યાં તેમજ ગળે મળ્યાં હતા. આ દ્રશ્યો ચીનમાં આયોજિત બોર્ડર પર્સનલ મિટિંગ ખાતે જોવા મળ્યાં. બંને તરફના સેનાના અધિકારીઓ પોતાના યુનિફોર્મમાં હતા. આ મીટિંગ ચીનના સેના તરફથી ચીનની સરહદની અંદર આવેલા બમ લા ખાતે આયોજિત કરાઇ હતી. આ બોર્ડર પર્સનલ મિટીંગનો સંદેશ સ્પષ્ટ હતો. બન્ને દેશના સેનાના કમાન્ડરોએ કહ્યું કે બન્ને સેનાની વચ્ચે સારા સંબંધો અને શાંતિ યથાવત્ રાખવાનો આ એક માર્ગ છે.
વર્ષમાં ચાર વખત યોજાઇ છે બોર્ડર પર્સનલ મિટીંગ
ચીનના રાષ્ટ્રીય દિવસ પર આ સેરેમોનિયલ બોર્ડર પર્સનલ મિટીંગ યોજવામાં આવી હતી. તમને જણાવી દઈએ કે ચીન અને ભારતીય સેના વચ્ચે વર્ષમાં 4 વખત બોર્ડર પર્સનલ મિટીંગ થાય છે.
1990માં થઇ હતી શરૂઆત
આ મિટીંગની શરૂઆત 1990માં થઈ હતી. ત્યારથી અત્યાર સુધી 84 મિટીંગ થઈ ચુકી છે. જોકે ડોકલામ વિવાદ બાદ બન્ને દેશની સેના વચ્ચે જે તણાવ સર્જાયો હતો. જો કે આ તણાવને ઘટાડવા માટે આ મિટીંગમાં પ્રયાસ કરવામાં આવ્યો હતો.