રચાયો ઇતિહાસ / 16 વર્ષના ભારતીય ગ્રાન્ડ માસ્ટર પ્રાગનનંદાએ ચેસ જગતને કરી દીધું સ્તબ્ધ, વર્લ્ડ નંબર વન મેગ્નસ કાર્લસનને કર્યો ચેકમેટ

• ભારતીય યુવા ગ્રાન્ડ માસ્ટરની ઐતિહાસિક જીત 
• આર પ્રાગનનંદાએ મેગ્નસ કાર્લસનને હરાવ્યો
• વર્લ્ડ નંબર વનને 39 ચાલમાં હરાવ્યો

ભારતના યુવા ગ્રાન્ડમાસ્ટર આર પ્રાગનનંદાએ સોમવારે મોટો અપસેટ સર્જ્યો હતો. ઓનલાઈન રેપિડ ચેસ ટૂર્નામેન્ટ એરથિંગ્સ માસ્ટર્સના 8મા રાઉન્ડમાં, 16 વર્ષીય પ્રજ્ઞાનંદે વિશ્વના નંબર વન મેગ્નસ કાર્લસનને હરાવ્યો.

39 મૂવમાં હાર્યો કાર્લસન

ભારતીય ગ્રાન્ડમાસ્ટર આર પ્રાગનનંદાએ વર્લ્ડ નંબર વનને 39 ચાલમાં હરાવ્યો. આ રીતે તેણે આ પહેલા સતત 3 મેચ જીતી ચૂકેલા કાર્લસનના વિજય અભિયાનનો પણ અંત આણ્યો હતો.

ચેસ જગતને ચોંકાવી દીધું 

ભારતીય ગ્રાન્ડમાસ્ટરના આ જીતથી આઠ પોઈન્ટ છે અને તે આઠમા રાઉન્ડ બાદ સંયુક્ત 12મા સ્થાને છે. અગાઉના રાઉન્ડમાં અપેક્ષા મુજબનું પ્રદર્શન ન કરનાર કાર્લસન સામે પ્રજ્ઞાનંદની જીતે રમત જગતમાં ખળભળાટ મચાવી દીધો હતો. તેણે અગાઉ લેવ એરોનિયન સામે માત્ર જીત નોંધાવી હતી. આ સિવાય પ્રજ્ઞાનંદે 2 મેચ ડ્રો રમી હતી જ્યારે 4 મેચમાં તેને હારનો સામનો કરવો પડ્યો હતો.

એરથિંગ્સ માસ્ટરના આઠમાં રાઉન્ડમાં કાર્લસને એટલી મોટી ભૂલ કરી દીધી હતી કે પછી ભારતીય પ્રતિસ્પર્ધીએ તેને ગેમમાં પાછા આવવાની તક જ નહોતી આપી. પછી આખરે ભારતીય ગ્રાન્ડમાસ્ટર આર પ્રાગનનંદાએ એ કરી બતાવ્યું હતું કે જેના માટે ભારતના ગ્રાન્ડ માસ્ટર વિશ્વનાથન આનંદ પણ તેને શાબાશી આપશે. 

આ જ ટુર્નામેંટમાં પ્રાગનનંદાની સફર એટલી ખાસ રહી નથી પરંતુ આ વિજય બાદ તેનો આત્મવિશ્વાસ અલગ જ સ્તરે પહોંચી જશે એ સ્પષ્ટ છે.