નિરાશા / વર્લ્ડ ચેમ્પિયન સામે જોરદાર ટક્કર બાદ બોક્સર લવલીનાની સેમી ફાઈનલમાં હાર, જીત્યો બ્રોન્ઝ મેડલ

• ટોક્યો ઓલિમ્પિક 2020
• સેમિફાઇનલમાં લવલીનાની હાર
• તુર્કીની બોક્સર સામે 0-5થી હાર થઇ

ટોક્યો ઓલિમ્પિકની સેમિફાઇનલમાં સ્થાન મેળવનાર ભારતીય મહિલા બોક્સર લવલીના બોરગોહેન મેચ હારી ગઇ છે. લવલીનાને મહિલાઓના 69 કિગ્રા સેમિફાઇનલ મુકાબલામાં તુર્કીની બુસેનાઝ સુરમેનેલી સામે હારનો સામનો કરવો પડ્યો હતો.

#TokyoOlympics: Indian boxer Lovlina Borgohain (in file photo) wins bronze medal, loses to Busenaz Sürmeneli of Turkey 0-5 in women's welterweight (64-69kg) semifinal match pic.twitter.com/toTXgIk6b1

— ANI (@ANI) August 4, 2021

0-5થી થયો પરાજય 

News Flash:
Lovlina Borgohain gets Bronze medal as she loses to reigning World Champion in Semis (69kg).
Lovlina gave her absolute best in the bout.
Proud of you @LovlinaBorgohai | More power to you #Tokyo2020 #Tokyo2020withIndia_AllSports pic.twitter.com/jQDc5ojhXp

— India_AllSports (@India_AllSports) August 4, 2021

ટોક્યો ઓલિમ્પિકની સેમિફાઇનલમાં સ્થાન મેળવનાર ભારતીય મહિલા બોક્સર લવલીના બોરગોહેનની શરૂઆત જ ખરાબ થઈ હતી અને પ્રથમ રાઉન્ડમાં જ પરાજયનો સામનો કરવો પડ્યો હતો. જો કે, બીજા રાઉન્ડમાં ભારતને આશા હતી કે, લવલીના ખરી ઉતરશે પરંતુ તેમાં પણ નિરાશા સાંપડી હતી. લવલીના મહિલા 69 કિગ્રા સેમિફાઇનલ મુકાબલામાં તુર્કીની બુસેનાઝ સુરમેનેલી સામે 0-5થી હારી હતી.

દીપક પૂનિયા અને  રવિ દહિયાએ સેમી ફાઈનલમાં મેળવ્યું સ્થાન 

કુસ્તીમાં ભારતીય કુસ્તીબાજો સતત સારું પ્રદર્શન કરી રહ્યા છે. રવિ દહિયા 57 કિગ્રા કેટેગરીમાં અને દીપક પૂનિયા 86 કિગ્રા કેટેગરીમાં સેમિફાઇનલમાં પહોંચ્યા છે. જ્યારે રવિએ બલ્ગેરિયા સામેની મેચ 14-4થી જીતી છે, ઉલ્લેખનીય છે કે, દિપકે છેલ્લી સેકન્ડમાં ચીનના શેનને 6-3થી હરાવ્યો. આ સાથે જ દીપક પૂનિયાનો સામનો સેમિફાઇનલમાં અમેરિકાના ડેવિડ મોરિસ ટેલર સાથે થશે જ્યારે રવિનો મુકાબલો કઝાખસ્તાનના નુરીસ્લામ સનાયેવ સાથે થશે.

આજે સવારે નિરજ કુમારે મેળવ્યો ફાઈનલમાં પ્રવેશ

ભારતના સ્ટાર રમતવીર નીરજ ચોપડાએ બુધવારે ટોક્યો ઓલિમ્પિકની જેવેલિન થ્રો 83.50 મીટરની સ્પર્ધામાં ગ્રુપ A ક્વોલિફિકેશનમાં સ્થાન પ્રાપ્ત કર્યું છે. ચોપડાએ ઓલિમ્પિકમાં પદાર્પણ કરતા પોતાના પ્રથમ પ્રયાસમાં 86.65 મીટરના અંતરે બરછી ફેંકીને ફાઇનલ માટે ક્વોલિફાય કર્યું હતું, જેનાથી ભારતની મેડલની આશા વધી હતી. ચોપડાની ઓલિમ્પિક માટેની તૈયારીઓ ઈજા અને કોવિડ -19 મહામારીને કારણે પ્રભાવિત થઈ હતી પરંતુ તેમણે પોતાના ચાહકોને જરા પણ નિરાશ કર્યા ન હતા અને ઓલિમ્પિકમાં તેના પ્રથમ ફેંક પર જ ફાઇનલમાં સ્થાન મેળવ્યું હતું. 

83.50 મીટરમાં મેળવી સફળતા

જેવેલિન થ્રોમાં, ટોચના 12 ખેલાડીઓ, જેમણે ગ્રુપ A અને ગ્રુપ B માંથી 83.50 મીટરનું ઓટોમેટિક ક્વોલિફિકેશન લેવલ હાંસલ કર્યું છે, તે ફાઇનલ માટે ક્વોલિફાય થશે. ફાઇનલ 7 ઓગસ્ટના રોજ યોજાશે. તો આ તરફ ગ્રુપ બીમાં આજે જ ભારતના શિવપાલ સિંહ પણ ફાઇનલમાં ક્વોલિફાય થઈ શક્યા નહોતા.