જો તમારું પણ ઈન્ડિયન બેંકમાં ખાતું છે તો તમને દર મહિને 30 રૂપિયાથી પણ ઓછાં ખર્ચમાં દર મહિને 2 લાખ રૂપિયા સુધીનો લાભ મળી શકે છે. ચાલો જાણીએ.
આ બેંકના ખાતાધારકો માટે સારાં સમાચાર
બેંક આપી રહી છે 2 લાખ રૂપિયાનો લાભ
આ લાભ લેવા ખાતાધારકો ધ્યાનમાં રાખો આ વાત
આ લાભ કેન્દ્ર સરકાર દ્વારા સંચાલિત પ્રધાનમંત્રી જીવન જ્યોતિ વીમા યોજના (PMJJBY) હેઠળ મળશે. આ યોજના હેઠળ પોલિસીધારકે વાર્ષિક માત્ર 330 રૂપિયા જમા કરાવવાના છે. તે દર વર્ષે બેંક ખાતામાંથી ડાયરેક્ટ ડિડક્ટ થઈ જશે અને તમને 2 લાખ રૂપિયા સુધીનું વીમા કવર મળશે. આ સિવાય જો તમે પ્રધાનમંત્રી સુરક્ષા વીમા યોજના PMSBYમાં વાર્ષિક માત્ર 12 રૂપિયા જમા કરો છો તો તમને 2 લાખ રૂપિયાનો આકસ્મિક વીમો પણ મળશે.
પ્રધાનમંત્રી જીવન જ્યોતિ વીમા યોજના (PMJJBY)
આ યોજના અંતર્ગત 55 વર્ષની ઉંમર સુધી લાઈફ કવર મળે છે. કોઈ પણ કારણસર વીમાધારકના મૃત્યુના કિસ્સામાં નોમિનીને 2 લાખ રૂપિયાનું કવર મળે છે. આ યોજનાનું વાર્ષિક પ્રીમિયમ 330 રૂપિયા એટલે કે 30 રૂપિયા પ્રતિ માસથી પણ ઓછું છે. આ યોજનાનો લાભ 18થી 50 વર્ષની ઉંમર સુધી લઈ શકાય છે. આ માટે બેંક ખાતું હોવું જરૂરી છે. દર વર્ષે 31મી મે પહેલાં પ્રીમિયમની રકમ તમારા ખાતામાંથી ઓટો ડિડક્ટ કરવામાં આવે છે.
Your safety is our assurance. Apply for a Pradhan Mantri Jeevan Jyoti Bima Yojana or Pradhan Mantri Suraksha Bima Yojana today through Indian Bank and take a step towards a happy future.#IndianBank#Insurancepic.twitter.com/qf0SUPIxaO
આ યોજના હેઠળ દર મહિને 1 રૂપિયા અથવા વર્ષમાં માત્ર 12 રૂપિયા જમા કરીને વ્યક્તિ 2 લાખ રૂપિયાનો આકસ્મિક વીમો મેળવી શકે છે. કેન્દ્ર સરકારે થોડા વર્ષો પહેલાં પ્રધાનમંત્રી સુરક્ષા વીમા યોજના ખૂબ જ ઓછાં પ્રીમિયમ પર શરૂ કરી હતી. PMSBYનું વાર્ષિક પ્રીમિયમ માત્ર 12 રૂપિયા છે. આ રકમ 31 મેએ તમારા બેંક ખાતામાંથી આપમેળે કાપી લેવામાં આવે છે. 18થી 70 વર્ષની વયના ભારતીયો આ યોજનામાં રજિસ્ટર્ડ કરાવી શકે છે.
આ રીતે કરો રજિસ્ટ્રેશન
સરકારની આ બંને યોજનાઓમાં રજિસ્ટ્રેશન કરવું ખૂબ જ સરળ છે. PMJJBY અને PMSBYમાં રજિસ્ટ્રેશન કરવા માટે તમે કોઈપણ નજીકની બેંકની મુલાકાત લઈને અરજી કરી શકો છો. આ સિવાય તમે બેંક મિત્રની મદદ પણ લઇ શકો છો. જો તમે ઇચ્છો તો તમે વીમા એજન્ટનો પણ સંપર્ક કરી શકો છો. સરકારી વીમા કંપનીઓ અને ઘણી ખાનગી વીમા કંપનીઓ બેંકો સાથે મળીને આ યોજના ઓફર કરી રહી છે. આ યોજનાની વિગતો www.financialservices.gov.in પર જઈને પણ લઈ શકાય છે.