સાવધાન! / આ તારીખ પહેલા બેંકનું કામ આટોપી લેજો; સતત 3 દિવસ બેંક હડતાળની સંભાવના

Indian Bank Association દ્વારા વેતનની માંગ પુરી ન થતા બેન્ક યુનિયને 31 જાન્યુઆરી થી 1 ફેબ્રુઆરી એમ બે દિવસ બેન્કના કર્મચારીઓની દેશ વ્યાપી હડતાળનું એલાન કર્યું છે.  

1લી ફેબ્રુઆરીએ બજેટ રજૂ કરવામાં આવશે તે દિવસ, તે પહેલાનો એક દિવસ અને તે પછીનો એક દિવસ, એટલે કે, કુલ 3 દિવસ સુધી બેંક બંધ રહી શકે છે. આવી સ્થિતિમાં, જો તમારે કોઈ બેંકને લગતું કામ હોય, તો તે 31 જાન્યુઆરી પહેલાં પૂરું કરી દેજો. કારણ કે 2 ફેબ્રુઆરીએ રવિવાર છે જેથી બેંકો સત્તાવાર બંધ હશે. નોંધનીય છે કે આ આ મહિનાની બેંકોની બીજી હડતાળ છે. આ પહેલા 8 જાન્યુઆરીએ પણ બેંક કર્મચારીઓએ હડતાળ પાડી હતી.

આ હડતાળ ખૂબ મહત્વપૂર્ણ ગણાય છે

જે દિવસે બેંક હડતાળ છે તે જ દિવસે દેશમાં બજેટ પસાર થવા જઈ રહ્યું છે. 31 જાન્યુઆરીએ આર્થિક સર્વેક્ષણ જાહેર કરવામાં આવશે. 1 ફેબ્રુઆરીએ આમ તો પહેલો શનિવાર છે એટલે સામાન્ય રીતે બેંકો ચાલુ હોય પણ હડતાળના પગલે બેંકો બંધ રહેવાની સંભાવના છે.

United Forum of Bank Unions (UFBU)એ કહ્યું છે કે Indian Banks Association (IBA)એ કર્મચારીઓના વેતનમાં 12.5%ના વધારાનો પ્રસ્તાવ મુક્યો હતો જેને ફગાવી દેવાયો હતો આથી દેશમાં સૌ કર્મચારીઓ હડતાળ પર ઉતરી શકે છે.  

શું છે માંગ 

1. વેતનમાં 20%નો વધારો 

2. અઠવાડિયામાં કામના 5 દિવસો

3. પેનશન અપડેટ 

4. ફેમિલી પેનશનના સુધારો 

5. કામ કરવાની સમય સીમા નક્કી કરવી