ચીન અને ભારત વચ્ચે સતત તણાવ વધી રહ્યો છે. ત્યારે ચીની સેના વાંરવાર ભારતની સીમા પર અડ્ડો જમાવે છે. એટલું જ નહીં તે એવી જગ્યાઓ પર પોતાની હક જમાવી ભારતીય સેના પર નજર રાખતું રહ્યું છે. ત્યારે ભારતીય સેનાએ પૂર્વ લદ્દાખમાં કાયમી પોસ્ટ બનાવવાનું નક્કી કર્યુ છે. જે 17 હજાર ફીટ ઉંચાઈએ હોવાથી અહીં પાણીના સ્ત્રોત પર સંસોધન કરવામાં આવી રહ્યા છે.
પૂર્વ લદ્દાખમાં ભારતીય સેના 17 હજાર ફીટ ઊંચાઇ પર કાયમી પોસ્ટ બનશે
દોલત બેગ ઓલ્ડીમાં સેનાએ ડ્રીલિંગ શરૂ કર્યું
17 હજાર ફીટ ઊંચાઇએ પાણીની શોધ હાથ ધરી
પ્રસિદ્વ ભૂસ્તર વૈજ્ઞાનિકોએ પણ સ્થળની મુલાકાત લીધી
પૂર્વ લદ્દાખમાં ભારતીય સેનાની કાયમી પોસ્ટ બનશે. જેથી ચીની હરકત પર નજર રાખી શકાય તેમજ તેને તાત્કાલીક જવાબ આપી શકાય. નોંધનીય છે કે 17 હજાર ફીટ ઊંચાઇ પર કાયમી પોસ્ટ બનશે. દોલત બેગ ઓલ્ડીમાં સેનાએ ડ્રીલિંગ શરૂ કર્યું છે.
સેનાની પ્રાથમિક જરુરિયાત તથા પાણીની અછત ન સર્જાય તે માટે 17 હજાર ફીટ ઊંચાઇએ પાણીની શોધ હાથ ધરવામાં આવી છે. ચીન સાથે તણાવ વધવાના કારણે સેના કાયમી પોસ્ટ બનાવવા જઈ રહી છે.
ઉલ્લેખનીય છે કે દોલત બેગ ઓલ્ડી સૌથી મહત્વપૂર્ણ રણનૈતિક ચોકી છે. જેથી અહીં સ્થાયી ચોકી બનાવવા માટે પ્રસિદ્વ ભૂસ્તર વૈજ્ઞાનિકોએ પણ સ્થળની મુલાકાત લીધી છે. જેઓ પાણીની તથા સર્વાઈવ કરવાની શક્યતાઓને તપાસશે. એ બાદ આ કાયમી પોસ્ટના નિર્ણય તરફ આગળ વધવામાં આવશે.