ભારતીય આર્મીના યૂનિફોર્મમાં બદલાવ કરવાનો પ્રસ્તાવ મૂકવા આવ્યો છે. હાલ ભારતીય આર્મીના યૂનિફોર્મને સૌથી વધુ સ્માર્ટ અને સૌથી વધુ આરામદાયક બનાવવાની તૈયારીઓ ચાલી રહી છે. આર્મી યૂનિફોર્મમાં કયા બદલાવ કરવામાં આવી શકે છે તેને લઇને આર્મી હેડક્વાર્ટરે ફીલ્ડમાં તહેનાત આર્મી કમાંડર અને આર્મી ઓફિસર્સને પણ સૂચનો આપવા કહ્યું છે.
જો કે મળતી માહિતી મુજબ, આર્મી હેડક્વાર્ટરમાં સીનિયર અધિકારીઓ વચ્ચે આ મુદ્દે ચર્ચા પણ કરવામાં આવી છે. ભારતીય આર્મી હેડક્વાર્ટર દ્વારા સેના ભવનના 11 નિર્દેશાયલયોને પણ પત્ર મોકલી અને સૂચન આપવા જણાવવામાં આવ્યું છે. એક સીનિયર અધિકારીએ આ અંગે જણાવ્યું છે કે, એક એવું સૂચન પણ આવ્યું છે કે જે રીતે અન્ય બીજા દેશોની જેમ આર્મીના યૂનિફોર્મમાં પેંટ શર્ટ અલગ કલરના હોય છે તે રીતે પણ યૂનિફોર્મ બદલાવ કરવામાં આવે.
આ ઉપરાંત હાલ ઇન્ડિયન આર્મીના યૂનિફોર્મમાં રેન્ક ખભા પર લાગેલી એક પટ્ટી પરના નિશાનોથી જાણી શકાય છે, જ્યારે અમેરિકા અને યૂકેમાં રેન્ક છાતી પર લાગેલા પ્રતિકોથી જાણી શકાય છે. જ્યારે ઇન્ડિયન આર્મીમાં આ પણ બદલાવ થઇ શકે છે. એક સૂચન કોમ્બેટ યૂનિફોર્મ પહેરનારી મોટી બેલ્ટને લઇને પણ આવ્યો છે. જેમાં આ બેલ્ટને હટાવવામાં પણ આવી શકે છે અને યૂનિફોર્મના કપડામાં પણ બદલાવ કરવામાં આવી શકે છે જેથી જવાનોને વધુ આરામદાયક રહે. જો કે યૂનિફોર્મના બદલાવમાં ઘણો સમય લાગી શકે છે.
ઉલ્લેખનીય છે કે હાલ ઇન્ડિયન આર્મીમાં 5 પ્રકારના યૂનિફોર્મ છે જેને 4 શ્રેણીમાં વહેંચવામાં આવ્યા છે. જેમાં પહેલી શ્રેણી કોમ્બેટ યૂનિફોર્મની છે. બીજી શ્રેણી સેરિમોનિયલ યૂનિફોર્મની છે. ત્રીજી ટાઇમ યૂનિફોર્મ અને ચોથી મેસ યૂનિફોર્મની છે.
ઉલ્લેખનીય છે કે ભારતીય સેનાનો ડ્રેસ કોડમાં આ ચોથી વખત ફેરફાર કરવામાં આવશે. પ્રથમ વખત આઝાદી બાદ પાકિસ્તાનની સેનાના યૂનિફોર્મથી અલગ કરવા ફેરફાર કરાયો હતો. બીજી વખત 1980માં બેટલ કટીગને લઇને ફેરફાર કરાયો હતો. જ્યારે પોતાની ઓળખ અલગ બનાવવા માટે સેનાએ 2005માં બેટલ ડ્રેસના રંગમાં ફેરફાર કર્યો હતો.